18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Պետական պաշտոնյայի կոմֆորտն էլ է կարևոր. Նիկոլ Փաշինյան․ ՏԵՍԱՆՅՈւԹ
Քաղաքականություն
12.08.2021 | 11:39
Կառավարությունն այսօրվա նիստիում «Հայաստանի Հանրապետության բյուջետային համակարգի մասին» և «Տեղական ինքնակառավարման մասին» օրենքներում փոփոխությունների նախագծերի փաթեթը ներկայացրեց ՀՀ տարածքային կառավարման և ենթակառուցվածքների նախարար Գնել Սանոսյանը։
Առաջարկվող բարեփոխմամբ կներդրվի ըներքօգտագործման ոլորտից ստացված եկամուտների արդարացի վերաբշխման հայեցակարգը: «Նախագծով առաջարկվում է, որ հանքարդյունաբերող ռոյալթիի վճարող ընկերությունների՝ պետբյուջե վճարված գումարների 2 տոկոսը բաշխվի տվյալ հանքի ազդակիր համայնքների միջև»,- նշեց Սանոսյանը:
Վարչապետ Նիկոլ Փաշինյանն արձագանքեց. «Նախորդ տարվա կարգավորումների սահմաններում խոսքը մոտ 700 մլն դրամի մասին է: Եթե հաշվի առնենք, որ մենք ընդհանուր առմամբ ռոյալթիների համակարգը վերանայելու գործընթացի մեջ ենք, և հաշվի առնելով, որ մետաղների գները կանխատեսումներով շարունակաբար բարձրանալու են, էդ գումարը նույնիսկ նախորդ տարվա չափանիշներով փոքր չէ. համայնքները կարող են այդ գումարներով իրենց սուբվենցիոն հնարավորություններն ընդլայնել: Խոսքը 23 ազդակիր համայնքի մասին է»:
Վարչապետը մեկ այլ դիտարկում արեց՝ նշելով. «Մենք ճիշտ ենք անում, որ զսպում ենք կաբինետներ նորոգելու պետական համակարգի ձգտումները, բայց մեր կանխավարկածն այն չէ, թե պաշտոնյաները պետք է աշխատեն քարուքանդ կաբինետներում: Պետական պաշտոնյայի կոմֆորտն էլ կարևոր է, որ մարդը կարողանա կենտրոնանալ աշխատանքի վրա: Շատ կարևոր եմ համարում պետականության նկատմամբ քաղաքացու ընկալումը: Այլ հարց է, որ երբեմն պաշտոնյաները չափից ավելի են կենտրոնացած լինում կաբինետ նորոգելու և այդ կարգի այլ ատրբուտիկայի վրա»:
Մանրամասները՝ տեսանյութում:
