24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Քաղաքացին իրավունք ունի իմանալ իր ընտրած պատգամավորների` հանրային վայրերում գործունեության մասին. Գեղամ Մանուկյան․ ՏԵՍԱՆՅՈւԹ
Քաղաքականություն
12.08.2021 | 11:16
Խորհրդարանը քննարկում է ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի ընտրության հարցը:
«Հայաստան» խմբակցության պատգամավոր Գեղամ Մանուկյանն իր ելույթում անդրադարձավ մամուլի ազատության և քաղաքացու՝ տեղեկատվություն ստանալու իրավունքի մասին:
Նրա խոսքով՝ մամուլը Հայաստանում միշտ էլ այս կամ այն կերպ ճնշումների տակ է եղել, ոտնձգություններ են եղել լրատվամիջոցների, լրագրողների նկատմամբ, և հաճախ իշխանությունը ստիպված է եղել արձագանքել: «Բայց դրա հետ մեկտեղ եղել են ազատ, խիզախ լրագրողներ, որոնք թեկուզ ԱԺ-ում կանոնակարգ խախտելով՝ իրենց քաղաքացիական դիրքորոշումն արտահայտել են…, և ԱԱԾ որևէ աշխատող քացով դուրս չի վռնդել նրանց, և ԱԺ ուղիղ հեռարձակումն էլ չի ընդհատվել»,- ասաց ընդդիմադիր պատգամավորը:
Մանուկյանի դիտարկմամբ՝ մամուլի նկատմամբ ճնշումները սկսել են կրել համակարգային բնույթ, ակտիվ սահմանափակումներ են սկսվել լրատվամիջոցների, ընդհանրապես լրատվական դաշտի նկատմամբ:
Պատգամավորն ընդգծեց, որ քաղաքացին տեղեկատվություն ստանալու իրավունք ունի, մինչդեռ իշխանությունը շարունակում է ԱԺ պատգամավորների աշխատանքը հանրությունից թաքցնելու գործընթացը։
Մանուկյանը հայտարարեց, որ առաջիկայում իշխանությունը նախատեսում է երկու նոր օրինագիծ ներկայացնել խորհրդարան, որոնց նպատակը, ըստ նրա, իշխանավորների քայլերը հանրությունից թաքցնելն է. «Շուտով բերելու է կառավարությունը 2 նման խայտառակ բան. գործուղումները գաղտնի են ուզում իրականացնել, մեկ անձից գնումների ամբողջ թղթածրարն ուզում են «գաղտնի» գրիֆի տակ մտցնել»:
Մանրամասները՝ տեսանյութում:
