18.01.2026 | 13:09
Նույն ընտանիքից զորակոչվեցին երկու ժամկետային զինծառայող՝ իգական և արական սեռի
Դուք գիտե՞ք, թե ինչ կապերի մասին է խոսքը. Բաթոյանը` Վանեցյանի` գերիներին 3 օրում վերադարձնելու մասին․ ՏԵՍԱՆՅՈւԹ
Քաղաքականություն
12.08.2021 | 10:57
Խորհրդարանը քննարկում է ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի ընտրության հարցը: Այս պաշտոնում առաջադրվել է «Պատիվ ունեմ» խմբակցության պատգամավոր Թագուհի Թովմասյանի թեկնածությունը:
Դիմելով Թագուհի Թովմասյանին՝ «Քաղաքացիական պայմանագիր» խմբակցության պատգամավոր Զարուհի Բաթոյանը հիշեցրեց Արթուր Վանեցյանի հայտարարությունն այն մասին, որ եթե ունենա իշխանություն, կարող է իր կապերի միջոցով երեք օրվա ընթացքում լուծել հայ գերիների հարցը: Բաթոյանը հետաքրքրվեց՝ Թովմասյանը տեղյա՞կ է, թե ինչ կապերի մասին է խոսքը. «Զուտ անձնակա՞ն կապերի մասին է խոսքը, թե՞ այն կապերի, որ նա ձեռք է բերել աշխատանքային գործունեության ընթացքում՝ մեր կառավարության հետ որպես ԱԱԾ տնօրեն աշխատելիս: Պատգամավորի մանդատ ունենալը բավարա՞ր է, որպեսզի ձեր խմբակցության ղեկավարը, հանձնաժողովի նախագահի պաշտոնում ձեր ընտրվելու դեպքում, օգնի, որպեսզի իրականացվեն գերիների ազատմանն ուղղված գործողություններ»:
Թովմասյանը պատասխնեց՝ հիշեցնելով, որ Վանեցյանը ԱԱԾ երկարամյա սպա է և վերջին երեք տարիներին չէ, որ նա կապեր է հաստատել, և հավելեց, որ նա հստակ խոսել է իշխանություն լինելու դեպքում խնդրին լուծում տալու հնարավորության մասին, մինչդեռ այսօր նա ընդդիմադիր խմբակցության ղեկավար է, և այս պահին այս կարգավիճակով անկարելի է լուծել այդ հարցը:
Մանրամասները՝ տեսանյութում:
