24.08.2026 | 09:45
ՀՀ տարածքում ավտոճանապարհներն անցանելի են
Լսեցի՞ք` ինչ ասաց, լռությո´ւն դահլիճում. ԱԺ-ում Արեգնազ Մանուկյանի հարցից հետո լեզվակռիվ սկսվեց․ ՏԵՍԱՆՅՈւԹ
Քաղաքականություն
12.08.2021 | 10:51
ԱԺ նիստում «Հայաստան» խմբակցության պատգամավոր Արեգնազ Մանուկյանը, դիմելով ԱԺ Մարդու իրավունքների պաշտպանության հանձնաժողովի նախագահի թեկնածու առաջադրված Թագուհի Թովմասյանին, անդրադարձավ ԱԺ-ում պատգամավորներին անհատական զննման ենթարկելու իրողությանը:
«Տպավորություն է, որ այստեղ պատգամավորները դիտարկվում են որպես պոտենցիալ հանցագործներ։ Ինչո՞ւ են այդքան վախեցած, ո՞վ է այդքան վախեցած կամ ո՞վ է «դուխով» գլխարկի տակ թաքնված այդ վախկոտը»,- հարցրեց Մանուկյանը։
«Ամեն անգամ հարց տալուց կամ ելույթ ունենալուց ինձ մոտ տպավորություն է, որ դուք հատուկ այնպես եք անում, որ մթնոլորտը լարվի, իմաստը ո՞րն է, դժվա՞ր է հարցը տալ այնպես, որ մթնոլորտը չլարվի»,- մինչ Թովմասյանը կանդրադառնար հարցին, այս մասին ասաց նիստը վարող ԱԺ փոխխոսնակ Ռուբեն Ռուբինյանը՝ դիմելով Մանուկյանին, ինչից հետո խորհրդարանում վիճաբանություն սկսվեց ԱԺ պատգամավորների միջև։
Դահլիճում լսվեց կին պատգամավորներից մեկի ձայնը. «Լեզուդ մի՛ երկարացրու»:
Ռուբինյանը պատգամավորներին հորդորեց լռել, նախազգուշացում հայտարարեց «Քաղաքացիական պայմանագիր» խմբակցության պատգամավոր Սերգեյ Բագրատյանին։
Մանրամասները՝ տեսանյութում:
