09.06.2026 | 00:17
Մարկո Ռուբիոն շնորհավորել է Փաշինյանին
146 մլն դրամ՝ ռուս սահմանապահ զորքերի շենքային պայմանների բարելավմանը. գնումը կկատարվի մեկ անձից
Քաղաքականություն
11.08.2021 | 22:02
Կառավարության պահուստային ֆոնդից Ազգային անվտանգության ծառայությանը 146 մլն 147 հազար դրամ կհատկացվի:
Նախագծում նշված է, որ հատկացման արդյունքում ԱԱԾ-ն առավել արդյունավետ կիրականացնի իր առջև դրված խնդիրների լուծման աշխատանքները:
Կառավարության որոշման նախագծից պարզ է դառնում, որ այս գումարն ուղղվելու է ՌԴ սահմանապահ զորքերի համար նախատեսված շենքային պայմանների բարելավմանը:
Հիշեցնենք՝ օգոստոսի 5-ին հայտնի դարձավ, որ Տավուշի մարզի Ոսկեպար համայնքում ռուս զինվորականներն ուղեկալ են տեղադրել և Հայաստան-Վրաստան միջպետական ճանապարհի Ոսկեպարի հատվածում տնակներ են տեղադրում։ Այսօր էլ Ազատամուտ համայնքի ղեկավարի պաշտոնակատար Արթուր Բեգինյանը «Հետք»-ի հետ զրույցում հայտնել է, որ սահմանային Այգեպար, Պառավաքար, Այգեհովիտ, Բերքաբեր, Կոթի, Դովեղ գյուղերում ևս ռուս սահմանապահները ուղեկալներ կտեղադրեն: Սակայն, միանշանակ չենք կարող պնդել, թե կառավարությունը 146 մլն դրամը որ շենքային պայմանների բարելավմանն է հատկացնում:
Իդեպ, ուշագրավ է, որ ԱԱԾ-ին գումարը հատկացվում է չզեկուցվող նախագծով, իսկ գնումը հատուկ ծառայությունն իրականացնելու է մեկ անձից՝ առանց մրցույթի:
Նարեկ Կիրակոսյան
