16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ռուսաստանում պատրաստվում են քթի կաթիլների տեսքով «Սպուտնիկ V» կորոնավիրուսի դեմ պատվաստանյութի կլինիկական փորձարկումներին
Քաղաքականություն
11.08.2021 | 22:28
Ռուսաստանում պատրաստվում են քթի կաթիլների տեսքով «Սպուտնիկ V» կորոնավիրուսի դեմ պատվաստանյութի կլինիկական փորձարկումներին։ Մինչկլինիկական փորձարկումների ավարտի մասին է ռուսական ԶԼՄ-ներին պատմել Գամալեի անվան կենտրոնի տնօրեն Ալեքսանդր Գինցբուրգը, գրում է Euronews-ը։
Գինցբուրգի խոսքով՝ այժմ որոշվում է ֆինանսավորման հարցը․ փորձարկումներն արժեն շուրջ 400 միլիոն ռուբլի, դեղամիջոցի գրանցումը կարող է լինել հաջորդ տարի։ Հունիս ամսին կամավորների թվում կաթիլային պատվաստանյութ է ստացել Դաշանային խորհրդի խոսնակ Վալենտինա Մատվիենկոն։
«Սպուտնիկ V» պատվաստանյութը ՌԴ-ում գրանցվել է ուղիղ մեկ տարի առաջ։ Գամալեի կենտրոնում հայտնել են, որ այն նվազեցնում է հոսպիտալացման հավանականությունը 20 անգամ՝ չպատվաստվածների հետ համեմատած և արդյունավետ է կորոնավիրուսի նոր շտամերի դեմ։
Հավելենք, որ «Սպուտնիկ V»-ի կիրառումը թույլատրվել է աշխարհի 69 երկրում՝ ընդհանուր առմամբ 3 միլիարդ բնակչությամբ։
Վերջին մեկ օրվա ընթացքում Ռուսաստանում հայտնաբերվել է կորոնավիրուսի վարակման գրեթե 22 հազար նոր դեպք։
Տաթև Ֆռանգյան
