Քաղաքականություն
11.08.2021 | 14:15
Ռուս-ադրբեջանական հարաբերություններում սկանդալ է հասունանում։ Մասնավորապես, նախօրեին համացանցում տեսանյութ է տարածվել, թե ինչպես ադրբեջանցի դիվանագետ, Բելառուսում, Մոլդովայում, Շվեյցարիայում ու Պակիստանում Ադրբեջանի նախկին արտակարգ ու լիազոր դեսպան Իսֆանդիյար Վահաբզադեն վիրավորում է ռուս քաղաքական գործիչ Վլադիրմի Ժիրինովկսուն ու ռուս ժողովրդին։
Վահաբզադեն այսպիսով պատասխանել է Ժիրոնովսկու՝ ավելի վաղ արած հայտարարություններին, որոնք ադրբեջանական կողմը համարել էր վիրավորանք ուղղված երկրի ղեկավարության հասցեին։ Ադրբեջանի ԱԳՆ-ն էր հրավիրվել Բաքվում ՌԴ գործերի ժամանակավոր համատարմատարը։
Այժմ էլ այս սկանդալին խառնվում է ադրբեջանցի դեսպանը, որի հայտարարությունները մեծ տարածում են գտել նաև համացանցի ռուսական տիրույթում։ Տեսանյութում Վահաբզադենն մասնավորապես նշում է, որ ժամանակին «Ժիրոնովսկին ադրբեջանցիներին նաև ոչխար է անվանել,որին չեն պատասխանել ու ահա որոշ ժամանակ անց ռուս գործիչը սկսել է լկտիանալ»։
«Վոլոդյա լսի՛ր, գիրացած խոզ, ծեր էշ։ Դու բուրում ես, ինչպես խոզը, դու խոզ ես, քո ազգն է բուրում խոզի պես»,- ասում է Վահաբզադեն։ Նա նաև նշում է, որ «ամեն ամիս ռուսների համար խավիար, ձուկ, գումար, ինչ հնարավոր է ուղարկում են ու իրենք սովից մեռնում են»։ Այս ամիս էլ ադրբեջանցի դիվանագետը առաջարկում է ռուսներին ու Ժիրինովսկուն դնչկալ ուղարկել ու շարունակում տարբեր վիրավորանքներ հնչեցնել։
Հավելենք նաև, որ Իսֆանդիյար Վահաբզադեն ադրբեջանցի հայտնի գրող Բահթիյար Վահաբզադեի որդին է։ Դեսպանի պաշտոնը թողնելուց հետո էլ նա աչքի է ընկնում աղմկահարույց հայտարարություններով։
Էմմա Չոբանյան
