26.06.2026 | 18:39
Փաշինյանը AMAA բարեգործական ՀԿ–ի նախագահի հետ քննարկել է Վարդենիսում նոր կրթահամալիրի կառուցմանը վերաբերող հարցեր
Իրարանցում ԱԺ դահլիճում. միջամտեցին անվտանգության աշխատակիցները, նիստի հեռարձակումը դադարեցվեց. ՏԵՍԱՆՅՈւԹ
Քաղաքականություն
11.08.2021 | 12:39
Խորհրդարանում իրավիճակը լարվեց ԱԺ փոխնախագահ Իշխան Սաղաթելյանի ելույթից հետո, երբ պատրաստվում էր ելույթ ունենալ «Քաղաքացիական պայմանագիր» խմբակցության ղեկավար Հայկ Կոնջորյանը: Ընդդիմադիր խմբակցության պատգամավորները տեղից սկսեցին բղավել:
ԱԺ նախագահ Ալեն Սիմոնյանը նախազգուշացում հայտարարեց «Հայաստան» խմբակցության պատգամավորներ Ագնեսա Խամոյանին և Արմեն Ռուստամյանին:
«Հայաստան» խմբակցության պատգամավոր Արմեն Ռուստամյանը տեղից ընդդիմացավ, ինչը բորբոքեց իշխանական պատգամավորներին և վերջիններս նույնպես սկսեցին տեղից բղավել։
Ալեն Սիմոնյանը պատգամավորներին հորդորում էր տեղերից վեր չկենալ։ ԱԺ նախագահն առաջարկեց օրենքով սահմանված կարգով օգտագործել բոլոր հնարավորությունները, սակայն պատգամավորները տեղերից վեր էին կացել և շարունակում էին բղավել:
«Ես ներս եմ հրավիրում անվտանգության աշխատակիցներին։ Խնդրում եմ կարգուկանոն հաստատել դահլիճում»,- ասաց ԱԺ նախագահը։
Զինվորական համազգեստով անվտանգության աշխատակիցները մուտք գործեցին նիստերի դահլիճ: Ալեն Սիմոնյանը հանձնարարեց անջատել ուղիղ եթերը։
Մանրամասները՝ տեսանյութում:
