Քաղաքականություն
11.08.2021 | 11:37
Կորոնավիրուսի «Յոտա» տարատեսակը տարեց մարդկանց մոտ մահվան ելքով դեպքերի թիվը կարող է հասցնել մինչև 82%-ի ։ Նման եզրահանգման են եկել Նյու-Յորքի առողջապահության դեպարտամենտի մասնագետներն ու Կոլումբիայի համալսարանի Մեյլմանի անվան հանրային առողջապահության դպրոցի մասնագետները, գրում է «ՌԻԱ Նովոստին»։
Հետազոտությունների ընթացքում գիտնականները վերլուծել են համաճարակաբանական տվյալները, որոնք հավաքվել են Նյու-Յորքում 2020 թվականի նոյեմբերից 2021 թվականի ապրիլ ամիսների ընթացքում՝ իրականացնելով մաթեմատիկական մոդելավորում հիվանդության փոխանցման արագության, անընկալունակության և նշված շտամի մահացության հավանականությունը որոշելու համար։
Աշխատանքի հեղինակները պարզել են, որ համեմատած այլ շտամների հետ` «Յոտա» տարբերակը վարակի ընթացքում մահացության մակարդակը բարձրացնում է 45-64 տարեկան մարդկանց մոտ 46% -ով, 65-74 տարեկանների դեպքում ՝ 82% -ով, 75 տարեկանից բարձր անձանց համար՝ 62% -ով:
Բացի այդ, ըստ փորձագետների` դրա փոխանցման արագությունը 15-25% -ով բարձր է եղել նախկինում շրջանառվող շտամներից:
Տաթև Ֆռանգյան
