10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Քաղաքապետարանը կթույլատրի՞ Մաշտոցի պուրակում կանգնեցնել «Հաց բերողի» հուշակոթողը. ՏԵՍԱՆՅՈՒԹ
Հասարակություն
12.03.2018 | 19:52
Ճարտարապետների միության շենքում, այսօր կայացավ «Հաց բերող» Արթուր Սարգսյանին նվիրված հուշակոթողի մանրակերտի ցուցադրությունը։ Մի քանի օրից լրանում է 2017 թվականի հուլիսին ոստիկանության պարեկապահակային գունդը գրաված «Սասնա ծռեր» խմբի անդամներին հաց տարած և Հաց բերող անունը ստացած Արթուր Սարգսյանի մահվան տարելիցը։
Օրվան ընդառաջ նրա համակիրները հանրությանը ներկայացրեցին Արթուր Սարգսյանի հիշատակին կառուցվելիք հուշակոթողի մանրակերտը՝ Հուշակոթողի հեղինակը՝ Ճարտարապետ Անահիտ Թարխանյանը, նշեց, որ իրենք ցանկանում են, որպեսզի հուշակոթողը տեղադրվի Մաշտոցի պուրակում՝ Մարգարյան հիվանդանոցի հարևանությամբ։
Այս հարցով քաղաքապետարանին դիմելու կապակցությամբ էլ հայտնեց, որ մանրակերտը դեռևս հանրային քննարկման փուլում է, դրա ավարտից հետո՝ մեկ շաբաթ անց, կդիմեն քաղաքապետարան։
Թարխանյանը դժվարացավ ասել, արդյոք քաղաքապետարանը կընդառաջի Հաց բերողի պատվին հուշակոթող տեղադրելու իրենց նախաձեռնությանը։ Այսօրվա ցուցադրությանը ներկա էր նաև Հաց բերողի ընկերներից՝ Գևորգ Մնացականյանը, որը նշեց՝ Արթուր Սարգսյանի արարքը կապ չունի ապստամբության հետ, նա ուղղակի քայլ է կատարել՝ հաց տանելով գնդի տարածք։
Երգահան, երաժիշտ Եղիշե Պետրոսյանն էլ առաջարկեց ամեն տարի մարտի 16-ին հաց բաժանել կարիքավորներին, այդպիսով վառ պահելով Արթուր Սարգսյանի հիշատակը։
Մանրամասները՝ տեսանյութում։
Լիլիթ Շաբոյան
