31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Վրաստանը պետք է դառնա տարածաշրջանում խաղաղություն ու կայունություն նախաձեռնողներից մեկը․ Ղարիբաշվիլի
Քաղաքականություն
09.08.2021 | 21:47
Վրաստանի վարչապետ Իրակլի Ղարիբաշվիլին գլխավոր առաջնահերթություններից է հայտարարել բարիդրացիության հաջող քաղաքականությունը, գրում է «Գրուզիա օնլայնը»։
«Մենք հոյակապ հարաբերություններ ունենք մեր երեք հարևանների հետ՝ Ադրբեջանի, Հայաստանի ու Թուրքիայի հետ»,- հայտարարել է Ղարիբաշվիլին՝ ելույթ ունենալով արտգործնախարարության տասնամյա զարգացման ծրագրի ներկայացման ժամանակ։
Կառավարության ղեկավարը պատմել է հաջող միջնորդական ջանքերի մասին, որոնց շնորհիվ ազատ են արձակվել հայ ռազմագերիներն ու կարևոր ականազերծման քարտեզներ են հանձնվել Ադրբեջանին։
«Դա շատ հաջող նախադեպ էր, որը մենք բոլորս՝ երեք երկրները, ստեղծեցինք։ Դա պետք է դառնա մեր հիմնական ուղղություններից մեկը, Վրաստանը պետք է դառնա տարածաշրջանում խաղաղություն ու կայունություն նախաձեռնողներից մեկն ու կայուն հիմք լինի հետագա զարգացման համար»,- ասել է Վրաաստանի վարչապետը։
Տաթև Ֆռանգյան
