Թուրքիայում ընդդիմությունը Էրդողանից պահանջում է արտահերթ ընտրություններ անցկացնել

Թուրքիայի գլխավոր ընդդիմադիր կուսակցության առաջնորդը երկրի նախագահ Ռեջեփ Թայիփ Էրդողանին քննդատության է ենթարկել այն հայտարարության համար, որ Թուրքիան կշարունակի ընդունել ներգաղթյալների՝ վկայակոչելով կառավարության «հաջող ֆինանսավորումը»։  Գրում է Ահվալ գործակալությունը։

Ժողովրդահանրապետական կուսակցության ղեկավար Քեմալ Քըլըչդարօղլուն մեղադրել է Էրդողանին  ու կոչ արել արտահերթ ընտրություններ անցկացնել  2023-ին նշանակված ընտրություններից առաջ։

«Եկեք ստանանք ժողովրդի համաձայնությունն ու  գնանք արտահերթ ընտրությունների»,-թվիթերյան իր էջում գրել է Քըլըչդարօղլուն։ Ավելի վաղ Էրդողանը, խոսելով  Թուրքիայում 4 մլն միգրանտների մասին, ասել էր, որ կառավարությունը կշարունակի նրանց ապաստան տրամադրել։ «Թուրքիան թույլ երկիր չէ։ Այն կշարունակի ընդունել միգրանտներին, քանի որ հաջողվում է ֆինանսավորել։ Եվ մենք կշարունակենք այդպիսի քայլեր ձեռնարկել, քանի դեռ հաջողությամբ ֆինանսավորումը կառավարում ենք»,- ասել էր Էրդողանը։

Էրդողանի այս խոսքերը հնչում են այն ժամանակահատվածում, երբ Թուրքիան ականտեսն է լինում Աֆղանստանից  միգրանտների մեծ հոսքին, որոնք գալիս են երկիր հարևան Իրանից։ Թուրքական հասարակությունում զայրույթ  է նոր ժամանող միգրանտների դեմ, քանի որ հոսքը տեղի է ունենում երկրի թուլացած տնտեսության ֆոնին։

Քըլըչդարօղոլուն էլ դեռ անցյալ ամսվանից  զգուշացնում է, որ  դեպի Թուրքիա միգրանտերի հոսքի մասին ՝ նշելով, որ «ոչ ոք չի կարող երկիրը հռչակել բաց բանտ փախստականների համար»։  Թուրք ընդդիմադիր գործիչը նաև Էրդողանին մեղադրել է  Աֆղանստանի միգրանտների հարցերից խուսափելու մեջ։

Նշվում է նաև, որ ըստ ՄԱԿ-ի Փախստականների հարցերով գերագույն հանձնակատարի տվյալների՝ Թուրքիայում 200․000 Աֆղանստանից  միգրանտ կա արդեն, որոնք կազմում են երկրում երկրորդ խոշոր գաղթականների խումբը։

Էմմա Չոբանյան