16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Իրանի ԱԳՆ-ն դատապարտել է Mercer Street լցանավի վրա հարձակման մասին G7-ի հայտարարությունը
Քաղաքականություն
07.08.2021 | 17:34
Իրանի ԱԳՆ պաշտոնական ներկայացուցիչ Սաիդ Խաթիբզադեն դատապարտել է G7-ի երկրների հայտարարությունը, ըստ որի՝ երկրի վրա է դրվում Mercer Street լցանավի վրա հարձակման պատասխանատվությունը։ Խաթիբզադեի խոսքերով՝ այդ մեղադրանքներն անհիմն են, փոխանցում է ՌԻԱ «Նովոստի»-ն։
«Խստորեն դատապարտում ենք G7 երկրների արտգործնախարարների հայտարարությունը, որում անհիմն մեղադրանքներ են Իրանի Իսլամական Հանրապետության հասցեին»,- Խաթիբզադեի խոսքը մեջբերում է Mehr գործակալությունը։
G7-ի երկրները Mercer Street-ի վրա հարձակման պատասխանատվությունը դրել են Իրանի վրա, նշել են, որ Թեհրանի վարքագիծը սպառնում է միջազգային խաղաղությանն ու անվտանգությանը, ինչպես նաև կոչ են արել երկրին դադարեցնել բոլոր գործողությունները, որոնք անհամատեղելի են ՄԱԿ-ի Անվտանգության խորհրդի համապատասխան բանաձևերի հետ:
Լիբերիայի դրոշի ներքո նավարկող Mercer Street լցանավը հուլիսի 29-ին Արաբական ծովում հարձակման է ենթարկվել։ Zodiac Maritime նավի օպերատոր ընկերությունը պատկանում է իսրայելցի գործարար Էյալ Օֆերին։ Միջադեպի հետևանքով զոհվել են անձնակազմի երկու անդամներ ՝ Ռումինիայի և Մեծ Բրիտանիայի քաղաքացիներ, որոնք, ենթադրաբար, պատասխանատու են նավի պահպանության համար: Իսրայելի ԱԳՆ-ն պնդում է, որ հարձակման հետևում կանգնած է իրանական կողմը։ Իսրայելի վարչապետ Նաֆթալի Բենեթը Թեհրանին մեղադրել է Արաբական ծովում Mercer Street ճապոնական լցանավի վրա հարձակման համար պատասխանատվությունից խուսափելու մեջ:
Իսրայելը, Մեծ Բրիտանիան և ԱՄՆ-ը մեղադրում են Իրանին ճապոնական լցանավի վրա հարձակվելու մեջ:
