10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ԱԺ-ում պետք է ստեղծվեն ամենանպաստավոր պայմանները լրագրողների աշխատանքի համար. Կարեն Անդրեասյան. ՏԵՍԱՆՅՈՒԹ
Հասարակություն
06.08.2021 | 13:01
Նոր ձևավորված կառավարության առաջին նիստից հետո արդարադատության նորանշանակ նախարար, նախկին ՄԻՊ Կարեն Անդրեասյանը լրագրողների հետ զրույցում անդրադարձավ ԱԺ-ում լրատվամիջոցների մոտ 250 ներկայացուցչի տեղաշարժի սահմանափակման խնդրին:
«Նախ, ուզում եմ ասել, որ Լիլիան Գալստյանին անձամբ եմ ճանաչում, շատ ցավում եմ իր հետ տեղի ունեցած միջադեպի հետ կապված: Ես գիտեմ, որ նույնիսկ ամենապրոֆեսիոնալ լրագրողը, եթե որևէ օրենք է խախտում կամ կարգ է խախտում, պետք է ենթարկվի պատասխանատվության՝ անկախ նրանից, թե ինչ բարձր առաքելությամբ է մարդը գործում. լրագրող է, բժիշկ է, թե իրավաբան է:
Ինչ վերաբերում է սահմանափակումների վերաբերյալ հարցադրմանը. անվտանգության դեպքում՝ ազգային անվտանգության, պետական անվտանգության դեպքում, աշխարհի բոլոր՝ ամենաքաղաքակիրթ երկրներում լինում են սահմանափակումներ: Եվ նաև հիշեցնելով, թե ով էր, օրինակ, Նաիրի Հունանյանը՝ լինելով լրագրող՝ կարող էր ինչեր անել, մենք պետք է հասկանանք, որ լրագրությունը կամ խոսքի ազատությունը բացարձակ արժեք չէ, և եթե անվտանգության մարմինները գտել են որոշակի ռիսկեր, մենք պետք է դա հարգենք: Դա, ի վերջո, մեր պետության պաշտպանության հարցն է:
Այլ խնդիր է, որ ես՝ որպես պաշտոնյա, և կարծում եմ՝ մեր բոլոր գործընկերները ԱԺ-ում, պիտի կարողանանք ձեզ համար ստեղծել ամենանպաստավոր պայմանները աշխատանքի համար»,- նշեց նախարարը:
«Ես կարող եմ ասել՝ եթե կա անվտանգության սպառնալիք, ես հաշտ եմ սահմանափակումների հետ: Բայց դա պետք է արվի այնպես, որ չխանգարի ողջամիտ, հանգիստ աշխատանքը լրագրողների: Եվ եթե կարող է լինել՝ որոշակի ազատ շարժի դեպքում, վարձկանների, որոնք կարող են նաև թաքնված լինել լրագրողների կերպարի տակ, եթե կարող են լինել այդպիսի վարձկաններ և նույնիսկ այդպիսիններից պետք է պաշտպանել, ուրեմն ես գտնում եմ, որ մենք պետք է հավատանք անվտանգության մարմիններին… Մի՛ բորբոքվեք, ես իմ կարծիքն եմ ասում»,- ասաց Անդրեասյանը:
Մանրամասները՝ տեսանյութում:
