Պետք չի թերագնահատել ավանդական տաքսի ծառայությանը. Քերոբյանը` Փաշինյանին. ՏԵՍԱՆՅՈՒԹ

Տաքսիների մատուցած ծառայությունների որակի հետ կապված որոշակի ստանդարտ պետք է ունենանք։ Կառավարության նիստում Հարկային օրենսգրքում փոփոխություններ և լրացումներ կատարելու մասին» նախագծի քննարկման ժամանակ այս մասին հայտարարեց վարչապետ Նիկոլ Փաշինյանը:

Նա կարծիք հայտնեց, որ Հայաստանում ստանդարտ տաքսի ծառայությունը մեռնող ծառայություն է: «Նկատի ունեմ այն դեպքը, երբ մարդիկ ձեռքով տաքսի են կանգնեցնում ու նստում։ Հարցն այն է, որ հիմա ավելի շատ ինտերնետային տաքսի ծառայություններն են ավելացել։

Տաքսի ծառայությունների որակի հետ կապված ստանդարտների ներդրումը պետք է սկսենք օդանավակայանում ծառայություն մատուցող տաքսիներից` հետագայում այն տարածելով ամբողջ հանրապետության վրա:

Հարկային հատվածն ու որակի մասը պետք է իրարից առանձնացնենք։ Հարկային առումով անհրաժեշտ է ունենալ այնպիսի մեխանիզմ, որ պետությունը հնարավորինս քիչ գործ ունենա անհատի հետ։ Իսկ որակի առնչությամբ տեսչական վերահսկողության պետք է իրականացվի»,- նշեց Փաշինյանը:

էկոնոմիկայի նախարար Վահան Քերոբյանը հակադարձեց՝ նշելով, որ պետք չէ թերագնահատել ավանդական տաքսի ծառայությունը. «Այն դեռ հայաստանյան շուկայի կեսից ավելին է»։

«Ինչ վերաբերում է հարկային մասին, ապա տաքսի ծառայություն մատուցող ընկերությունները միջնորդավճար են վերցնում վարորդից, որի համար ընկերությունը պարտավոր է պետությանն ԱԱՀ վճարել։ Սակայն տաքսիստն իր եկամուտներից հարկ չի վճարում` այս հարցը պետք է լուծվի»,-ասաց նախարարը։

Նրա խոսքով` այլ երկրներում հարկային ստանդարտների հարցը պլատֆորմների միջոցով է լուծվում:

Մանրամասները՝ տեսանյութում: