Քաղաքականություն
04.08.2021 | 21:47
Միացյալ Նահանգներն ընդլայնում է Աֆղանստանի այն քաղաքացիների անվանացանկը, որոնք Թալիբանից խույս տալու համար կարող են բնակություն հաստատել ԱՄՆ-ում: Ինչպես Պետդեպարտամենտն է հայտարարում, հազարավոր աֆղանստանցիներ ու նրանց ընտանիքների անդամները, որոնք աշխատել են ԱՄՆ-ի կառավարության, ԱՄՆ-ի կողմից ֆինանսավորվող կազմակերպությունների, ՆԱՏՕ-ի ռազմական առաքելության կամ էլ ԱՄՆ-ից գործող լրատվամիջոցների համար, այժմ կարող են դիմել ԱՄՆ-ում բնակության իրավունք ստանալու համար: Այս մասին հայտնում է «Ամերիկայի ձայն»-ը։
Ինչպես պետքարտուղար Էնթոնի Բլինքենն է ասել, Միացյալ Նահանգներն այս անձանց նկատմամբ ունի հատուկ պատասխանատվություն: Եվ մենք ամեն ինչ անելու ենք այս մարդկանց օգնելու համար, ասել է նա: Ու չնայած ընդլայնված այս ծրագիրն ունի դժավարություններ, ԱՄՆ-ը իր վրա է վերցնում աֆղանստանցի գործընկերներին օգնելու ամբողջ պատասխանատվությունը:
Այս իրավիճակը հաստատվեց այստեղ, երբ Միացյալ Նահանգները որոշեց Աֆղանստանում մոտ քսան տարի գտնվելուց հետո, դուրս բերել իր զորքերն այստեղից: Ու երբ միջազգային ուժերը սկսեցին հետքաշման գործողություններ, Թալիբանի զինված խմբերը սկսեցին լայնածավալ գրոհներ ընդդեմ Աֆղանստանի կառավարական ուժերի, ու գրավեցին երկրի մոտ 420 գավառների գրեթե կեսը:
Աֆղանստանցիների ավելի սահմանափակ մի խումբ Պետդեպարտամենտի հատուկ ներգաղթային վիզաների ծրագրի շրջանակներում արդեն ստացել է ԱՄՆ-ում բնակության իրավունք:
