05.08.2026 | 21:14
Սուպերմարկետի անունից քաղաքացիներից փորձում են հափշտակել տվյալներ. ՆԳՆ-ի զգուշացումը
Օլիմպիական խաղերի ժամանակ ավելի քան 300 մարդ է վարակվել կորոնավիրուսով
04.08.2021 | 18:25
Տոկիոյում անցկացվող 2020 թվականի ամառային օլիմպիական խաղերի ժամանակ գրանցվել է կորոնավիրուսով վարակման ամենաբարձր օրական ցուցանիշը․ մեկ օրվա ընթացքում խաղերում ներգրավված 29 մարդ է վարակվել: Այս մասին ասված է այսօր՝ օգոստոսի 4-ին Տոկիո 2020-ի կազմկոմիտեի հրապարակած զեկույցում, հաղորդում է DW-ի ռուսական ծառայությունը։
Վարակվածների թվում չորս մարզիկ կա: Մրցույթին մասնակցած անձանց շրջանում կորոնավիրուսով վարակման դեպքերի ընդհանուր թիվը, այսպիսով, հասել է 322-ի:
Ճապոնիայի մայրաքաղաքում համաճարակաբանական իրավիճակի վատթարացման պատճառով արտակարգ ռեժիմը երկարաձգվել է մինչև օգոստոսի 31 -ը: Այն ենթադրում է, մասնավորապես, սննդի օբյեկտներում ալկոհոլի վաճառքի արգելք և հանրային միջոցառումներին հանդիսատեսի մուտքի սահմանափակում:
Նշենք, որ համաճարակային իրավիճակով պայմանավորված՝ Օլիմպիական խաղերն այս տարի անցկացվում են առանց հանդիսատեսի:
