17.12.2025 | 20:00
Եթե ընդդիմությունը ՌԴ-ի երգն է երգում, այո՛, թիրախավորվելու է իբրև հիբրիդային սպառնալիք․ Էդգար Խաչատրյան. ՏԵՍԱՆՅՈՒԹ
2016-ին հետախուզության հետ կապված խնդիրներ չենք ունեցել. Օհանյանը` Սերժ Սարգսյանի հայտարարության մասին. ՏԵՍԱՆՅՈՒԹ
Քաղաքականություն
04.08.2021 | 14:58
2016-ին հետախուզության հետ կապված՝ ռազմավարական և օպերատիվ-մարտավարական մակարդակներում մենք խնդիրներ չենք ունեցել: Այս մասին այսօր՝ օգոստոսի 4-ին, ԱԺ-ում լրագրողների հետ ճեպազրույցում հայտարարեց «Հայաստան» խմբակցության ղեկավար, պաշտպանության նախկին նախարար Սեյրան Օհանյանը:
Դիտարկմանը, որ այդ ժամանակվա Գլխավոր գերագույն հրամանատար Սերժ Սարգսյանն է հետախուզության հետ կապված խնդիրների մասին խոսել է և հենց դրանով է պայմանավորված եղել, որ Արշակ Կարապետյանը ազատվեց հետախուզության վարչության ղեկավարի պաշտոնից, Սեյրան Օհանյանը պատասխանեց, որ ինքը Սերժ Սարգսյանի կողմից այդպիսի հայտարարություն չի լսել:
Հարցին, թե ինչպես է գնահատում պաշտպանության նախարարի պաշտոնում Արշակ Կարապետյանի նշանակումը, նա պատասխանեց. «Կադրային քաղաքականությունը վարում է գործող իշխանությունը: Ես չեմ կարող կարդալ նրանց մտադրությունները»:
«Հայաստան» խմբակցության ղեկավարը բացահայտ սուտ համարեց տեղեկությունն այն մասին, թե գեներալ Մովսես Հակոբյանն իր առանձնատունը ծախել է բանակի վրա, հետո բանակն այդ նույն տունը տվել է իրեն՝ որպես կեցության վայր:
«Բացահայտ սուտ է դա, որովհետև Մովսես Հակոբյանը, իր ծառայության այն հատվածը, որ իրականացրել է ՊԲ-ում, ես այդ ժամանակ եղել եմ ՀՀ պաշտպանության նախարարը, և այդպիսի բան տեղի չի ունեցել: ՀՀ յուրաքանչյուր զինվորական քաղաքացի է և իր հնարավորության սահմաններում իրավունք ունի ապահովել իր սոցիալական խնդիրները:
Ինչ վերաբերում է գեներալների կողմից թալանին, ես կարող եմ ասել հետևյալը. նախևառաջ բանակից հեռու մնացեք, այդ խնդիրներն են, որ բանակի հրամանատարական կազմին բերել են հոգեբանական ճնշված վիճակի, իսկ հրամանատարը, որը համարձակ կերպով որոշումներ չի ընդունում, չի կարող հասնել հաջողությունների»:
Մանրամասները՝ տեսանյութում:
