19.11.2024 | 14:32
Շարունակելու եմ պայքարել հայ գերիների ազատ արձակման, ՀՀ տարածքային ինքնաիշխանության համար․ Ֆրենկ Փալոն
Իլհամ Ալիևը ևս մի գեներալի է ազատել բանակային կորպուսի հրամանատարի պաշտոնից
Քաղաքականություն
04.08.2021 | 13:56
Ադրբեջանի Զինված ուժերում շարունակվում են վերադասավորումներն ու փոփոխությունները։
Մասնավորապես, ադրբեջանական իշխանությունների խոսափող Haqqin.az-ը, վկայակոչելով ՊՆ-ում իր պաշտոնական աղբյուրներին, գրում է, որ գեներալ-մայոր Հիքմեթ Հասանովն ազատվել է առաջին բանակային կորպուսի հրամանատարի պաշտոնից։
Հասանովի պաշտոնանկության լուրը դեռ նախօրեից է ակտիվորեն շրջանառվում սոցիալական ցանցերի ադրբեջանական տիրույթում։ Ի դեպ, ամիսներ առաջ էլ տեղեկություններ էին տարածվում Հասանովի ձերբակալման մասին, որն այդպես էլ չհաստատվեց։
Նշենք, որ Հասանովն Ապրիլյան քառօրյա, ինչպես նաև Արցախյան 44-օրյա պատերազմների մասնակից է, իսկ Ադրբեջանի նախագահը դեկտեմբերին նրան մի շարք մեդալներով էր պարգևատրել։
Հավելենք, որ ամիսներ առաջ էլ կալանավորվել էին Ադրբեջանի 4-րդ բանակային կորպուսի հրամանատար Ռովշան Աքպերովն ու 3-րդ բանակային կորպուսի հրամանատար Խագանի Ջաբրայիլովը։ Բացի այդ, պաշտոններից հեռացվել են մի շարք այլ գեներալներ ևս։
Էմմա Չոբանյան
