16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՀՅԴ-ն և մյուս քաղաքական ուժերը սպասարկում են Կրեմլին․ Վահե Գասպարյան. ՏԵՍԱՆՅՈՒԹ
Քաղաքականություն
03.08.2021 | 15:44
Ազգային-ժողովրդավարական բևեռն այսօր ակցիա է կազմակերպել ՀՀ-ում ԱՄՆ դեսպանության դիմաց։
«Նորաստեղծ բայց կիսագաղութային ավանդույթները շարունակող ԱԺ-ն, մի կողմ թողնելով գերիների հարցը, մյուս կողմ թողած սահմանների հարցը, իրար մեջ գզվրտոցով է զբաղված,- նշեց ԱԶԲ խորհրդի անդամ Վահե Գասպարյանը: Իրականում դա այն թատրոնն է, որը նախաձեռնել է Կրեմլը: Այդ թատրոնի նպատակն է վերջին զիջումները կորզել Նիկոլ Փաշինյանից, ի դեմս սահմանազատման և, այսպես ասած, խաղաղության պայմանագրի ստորագրման»:
«Այսօր նայում էի ԱԺ նիստը, և ՀՅԴ-ն ներկայացնող Արծվիկ Մինասյանն ասաց, որ ՀՀ-ի և Ադրբեջանի միջև միջազգայնորեն ճանաչված սահմաններ գոյություն չունի: Նա տեղյակ չէ, կամ թաքցնում է այն պարզ ճշմարտությունը, որ 100 տարի առաջ Ազգերի լիգայի զեկույց-առաջարկով որոշված են Հայաստանի և Ադրբեջանի միջազգային օրինական սահմանները, համաձայն որոնց՝ Արցախը, Գարդմանքը և Նախիջևանը գտնվում են ՀՀ կազմում:
Սա ևս գալիս է ապացուցելու այն, որ ՀՅԴ-ն, քոչարյանական և սերժական ուժերը, ինչպես նաև ներկա իշխանությունները սպասարկում են Կրեմլի գիծը՝ այն է՝ սահման չկա կամ կա միայն խորհրդային սահմանը, որը պետք է ճանաչվի: Սա կեղծ գաղափար է»,- նշեց Գասպարյանը:
Մանրամասները՝ տեսանյութում:
