25.02.2026 | 10:18
NYMEX․ Ոսկու գինը նվազել է 0.94%-ով և կազմել 5155.80 դոլար
Սամվել Բաբայանի գործով Վճռաբեկ դատարան դիմելու համար սպասում են Վերաքննիչ դատարանի որոշումը ստանալուն
Հասարակություն
09.03.2018 | 11:51
ԼՂ ՊԲ նախկին հրամանատար Սամվել Բաբայանի և մյուսների գործով պաշտպանական կողմը պատրաստվում է դիմել Վճռաբեկ դատարան։
Նշենք, որ Վերաքննիչ դատարանն անփոփոխ թողեց Առաջին ատյանի վճիռը, որով նախկին հրամանատարը դատապարտվել էր 6 տարի ազատազրկման, մինչդեռ Բաբայանը վերաքննիչ ատյանից պահանջում էր արդարացման որոշում։
Բաբայանի պաշտպան Ավետիս Քալաշյանը Factor.am-ին ասաց, որ Վճռաբեկ դատարան դիմելու համար սպասում են Վերաքննիչ դատարանի որոշումը ստանալուն․ «Բողոքարկման մեկ ամիս ժամկետը հաշվվում է որոշումը ստանալու օրվանից, այնպես որ ժամկետների խնդիր չկա։ Գործը ծավալուն է, և դա է պատճառը, որ որոշումը դեռ չենք ստացել»։
Հիշեցնենք, որ գործով անցնող մյուս երկու անդամներից Սանասար Գաբրիելյանը դատապարտվել է 3, Անդրանիկ Պողոսյանը՝ 2 տարվա ազատազրկման։ Սամվել Բաբայանը դատական նիստերի ժամանակ հայտարարել էր, որ ներպետական ատյանները սպառելուց հետո կդիմեն նաև ՄԻԵԴ։
Լիլիթ Շաբոյան
