16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բլինկենը հայտարարել է, որ Mercer Street-ի վրա հարձակման հետևում կանգնած է Իրանը
Քաղաքականություն
01.08.2021 | 21:31
ԱՄՆ-ն իրենց ունեցած տեղեկատվությունն ուսումնասիրելուց հետո եկել է այն եզրակացության, որ Արաբական ծովում Ճապոնական Mercer Street լցանավի վրա հարձակման պատասխանատվությունը կրում է Իրանը: ՏԱՍՍ-ի փոխանցմամբ՝ այս մասին ասված է ԱՄՆ պետքարտուղար Էնթոնի Բլինկենի՝ կիրակի օրը տարածած հայտարարության մեջ։
Հինգշաբթի ճապոնական Mercer Street տանկերը հարձակման է ենթարկվել Արաբական ծովում։ Zodiac Maritime նավի օպերատոր ընկերությունը պատկանում է իսրայելցի գործարար Էյալ Օֆերին։ Միջադեպի հետևանքով զոհվել են անձնակազմի երկու անդամներ ՝ Ռումինիայի և Մեծ Բրիտանիայի քաղաքացիներ, որոնք, ենթադրաբար, պատասխանատու են նավի պահպանության համար: Իսրայելի ԱԳՆ-ն պնդում է, որ հարձակման հետևում կանգնած է իրանական կողմը։ Իսրայելի վարչապետ Նաֆթալի Բենեթը Թեհրանին մեղադրել է Արաբական ծովում Mercer Street ճապոնական լցանավի վրա հարձակման համար պատասխանատվությունից խուսափելու մեջ: Համապատասխան հայտարարությունը վարչապետն արել է կիրակի օրը հրեական պետության կառավարության ամենշաբաթյա նիստում:
Ճապոնական Mercer Street տանկերի վրա հարձակմանը Թեհրանի մասնակցության մեղադրանքները հիմքեր չունեն։ Այս պնդմամբ հանդես է եկել Իրանի ԱԳՆ պաշտոնական ներկայացուցիչ Սայիդ Խաթիբզադեն։
Մեծ Բրիտանիան ևս Իրանին մեղադրել է Mercer Street տանկերի վրա հարձակման մեջ։
