14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Թուրքիան ներքաշում է Պակիստանին տարածաշրջանի գործընթացների մեջ, դա վտանգավոր է. Սաֆրաստյան. ՏԵՍԱՆՅՈՒԹ
Քաղաքականություն
30.07.2021 | 14:21
Թուրքիան փորձում է Պակիստանին ներքաշել տարածաշրջանային գործընթացների մեջ, որ վտանգ է ներկայացնում: Այսօր հրավիրված ասուլիսում այս մասին նշեց ՀՀ ԳԱԱ ակադեմիկոս թուրքագետ Ռուբեն Սաֆրաստյանը՝ անդրադառնալով օրերս Թուրքիայի, Ադրբեջանի ու Պակիստանի խորհրդարանների խոսնակների՝ Շուշի կատարած այցին:
Փորձագետը հիշեցրեց, որ Պակիստանը միակ երկիրն է, որը մինչ օրս չի ճանաչել Հայաստանը, այդ երկիրը Թուրքիայի ռազմական գործընկերն է, որն էլ իր հերթին լուրջ աջակցություն է ցուցաբերել Ադրբեջանին Արցախում պատերազմի ժամանակ:
Փորձագետի դիտարկմամբ՝ Պակիստանը Իրանի և Հնդկաստանի հետ լուրջ հակասություններ ունի և այդ խնդիրների բեռն իր հետ բերում է տարածաշրջան, և դա էլ երկրորդ վտանգն է: Երրորդ հանգամանքն այն է, որ Թուրքիան Պակիստանին ընտրել է որպես համագործակցության թիրախ նաև նրա համար, որ Պակիստանը կարող է օգնել Թուրքիային ձեռք բերել որոշ միջուկային տեխնոլոգիաներ, ինչպես նաև չինական ռազմական տեխնոլոգիաներ, որոնք Չինաստանը չի տալիս Թուրքիային, բայց Պակիստանին տալիս է:
Մանրամասները՝ տեսանյութում:
