29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
3 տարվա ընթացքում նո՞ր հասկացաք, որ կադրերի խնդիր կա, ու մարդիկ ցածր աշխատավարձ են ստանում․ Աբգարյան. ՏԵՍԱՆՅՈՒԹ
Հասարակություն
29.07.2021 | 12:19
Երևանի ավագանու անդամ Իզաբելլա Աբգարյանն այսօր ավագանու արտահերթ նիստում քաղաքապետարանի և վարչական շրջանների աշխատակիցների աշխատավարձերի բարձրացման որոշման նախագծի վերաբերյալ տարակուսանք հայտնեց։ Նրա համար տարօրինակ է, թե ինչո՞ւ են այս նախագիծը հիմա բերել քննարկման:
«Երեք տարի է՝ խնդիրը կա, 3 տարվա ընթացքում նո՞ր հասկացաք, որ կադրերի խնդիր կա, ու մարդիկ ցածր աշխատավարձ են ստանում: Մնացինք երեք տարի ու հիմա հարցը բերվեց արտահերթ նիստով, ինչը շատ տարօրինակ է, որովհետև արտահերթ նիստի գաղափարը քաղաքի համար հրատապ հարցերին պետք է վերաբերի։ Ինչո՞ւ հիմա, այն էլ ավագանու արձակուրդում գտնվելու ժամանակահատվածում բերել աշխատավարձերի բարձրացման նախագիծ, գումարած այս ծանր վիճակը, որում հիմա մեր հանրապետությունն է գտնվում, երբ բոլորիս հայացքն ուղղված է դեպի սահման։ Նման օրակարգ բարձրացնելը տարակուսելի է ինձ համար և կարծում եմ՝ հրատապության մասին պարզաբանելու կարիք ունեք։ Ինչո՞ւ շտապ, կարո՞ղ է սեպտեմբերին ավագանին լուծարելու մտադրություն կա, օրինակ՝ վարչատարածքային փոփոխության միջոցով լուծարելու ծրագիր կա և հիմա հրատապ ուզում եք այս աշխատավարձերի հարցը լուծել, նոր անել լուծարումը։ Ինձ շատ են գրում և հարցնում՝ կարո՞ղ է ուզում են ցրել ավագանին»։
Մանրամասները՝ տեսանյութում:
