02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Վիրավոր զինծառայողները մանրամասներ են պատմում սահմանային լարումից. ՏԵՍԱՆՅՈՒԹ
Հասարակություն
28.07.2021 | 17:41
«Մառախուղ էր, միանգամից սկսեցին կրակել, էլ չհասկացանք՝ ինչ կատարվեց, «գրանատամյոտ»-ով, որ խբեցին, աչքերիս դեմը սևացավ։ Կրակում էի, բայց շատ չհասցրեցի, որովհետև ի վիճակի չէի, չէի կարողանում քայլել,անընդհաը ընկնում էի»,- այս մասին «Զինուժ»-ի հետ զրույցում ասել է այս գիշեր ադրբեջանական հարձակման հետևանքով վիրավորում ստացած ժամկետային զինծառայող Դավիթ Ղազարյանը։
Վիրավորում ստացած մյուս ժամկետային զինծառայող Անդրանիկ Ալեքսանյանը պատմել է, որ հակառակորդը հանկարծակի սկսել է հայկական ուղղությամբ կրակ բացել. «Սկսեցին կրակել, մենք նրանց հանարժեք պատասխան տվեցինք»:
«Ապաքինվելուց հետո պատրաստ եմ նորից մեկնել զորամաս ու ծառայությունս շարունակել՝ նորից պոստեր բարձրանալով ու մեր սահմանները պաշտպանելով»,– ասել է Անդրանիկ Ալեքսանյանը։
Ադրբեջանական հարձակման հետևանքով հայկական կողմն ունի 4 վիրավոր, նրանցից մեկի վիճակը ծայրահեղ ծանր է, մեկինը՝ միջին ծանրության, մյուս երկուսինը՝ բավարար։
Մանրամասները՝ տեսանյութում։
