Հասարակություն
28.07.2021 | 13:09Հայաստանի դատաիրավական համակարգում փակ օղակ է գործում, կարճվում և կասեցվում են խոշտանգումներից զերծ մնալու իրավունքը ճանաչող գործերը: «Խոշտանգումները Հայաստանում շարունակում են անպատիժ մնալ» թեմայով քննարկման ժամանակ այս մասին նշեց «Հելսինկյան ասոցիացիա» իրավապաշտպան ՀԿ-ի փաստաբան Արա Ղարագյոզյանը:
«Ոչ արդյունավետ քննությունը հանգեցնում է նրան, որ խոշտանգման մեղադրանքով գործը գնում է դատարան, ու արդյունքում ամբաստանյալները արդարացվում են կամ դատարանները արարքը վերաորակում են՝ որպես լիազորությունների անցում»,- նշեց Ղարագյոզյանը:
«Արդյունավետ չէ այն քննությունը, երբ մի քանիսի նկատմամբ գործ է հարուցվում և ուղարկվում դատարան, մյուս դերակատարները մնում են անպատիժ: Ավելին, երբ որ Նոր Նորքի ոստիկանության բաժնում մարզիկին խոշտանգել էին, խոշտանգումից հետո տուժողին կոնֆետ են տվել ու ասել. «Ով որ մտնում է բաժին և ծեծված դուրս չի գալիս, լավ տղա չի համարվում»: Սրանից վառ ի՞նչ քրեական ենթամշակույթ պետք է լինի: Տուժողները իրենց ցուցմունքներում այդ մասին ներկայացրել են, սակայն այդ անձը, որ նման բառապաշար էր օգտագործել, հիմա ազատության մեջ է, նրա նկատմամբ քրեական գործ չկա հարուցված»,- նշեց փաստաբանը՝ ընդգծելով, որ, ցավոք, խոշտանգումների վերաբերյալ գործերը դատարանում քննվում են ոչ արդյունավետ, գործը գնում է ՄԻԵԴ, և ՀՀ-ի դեմ որոշումներ են կայացվում:
Մանրամասները՝ տեսանյութում:
