Խոշտանգմանը մասնակցած մարդը պաշտոնի բարձրացում է ստացել․ ի՞նչ արժի այդ «պագոնը»․ Նինա Կարապետյանց. ՏԵՍԱՆՅՈՒԹ

«Դատաիրավական համակարգը՝ սկսած ոստիկանությունից մինչև դատախազությունմ ՀՔԾ ու դատարաններ, բոլորը փոխկապակցված են, ու երբ որ իշխանությունները հայտարարում են, որ քրեական մշակույթի դեմ պիտի պայքարեն, առաջին հերթին այդ մշակույթը հենց այդ համակարգից պետք է հանեն»,- «Խոշտանգումները Հայաստանում շարունակում են անպատիժ մնալ» թեմայով քննարկման ժամանակ այս մասին նշեց «Հելսինկյան ասոցիացիա» իրավապաշտպան ՀԿ-ի նախագահ Նինա Կարապետյանցը:

«Էն որ ասումեմ՝ ես աղբորս վրա չեմ գրի, ուրիշ պագոնավորի վրա չեմ գրի, կկոծկեմ, այ սա է քրեական ենթամշակույթը: Խոշտանգման գործը կոծկող քննիչը դատախազն ու դատավորները շատ ավելի մեծ վնաս են բերում երկրին և կրիմինալին ու հանցավորին սատարում, քան փողոցի խուլիգանները, որովհետև նրանք արդարության ու հասարակության անվտանգության դեմ հանցագործություն են կատարում»,- նշեց իրավապաշտպանը:

Նա հիշեցրեց բնորոշող մի դրվագ. «Արայիկ Խանդոյանին և նրա ընկերներին խոշտանգողն ուներ մականուն՝ Կուրաժ, ու խոշտանգելուց հետո Կուրաժի պաշտոնը մի պագոն էլ վերև է բարձրացել՝ փոխգնդապետ էր, դարձել է գնդապետ: Արդյո՞ք մենք մականունավոր ոստիկան պետք է ունենանք և արդյո՞ք խոշտանգմանը մասնակցող մարդը կարող է պաշտոնի բարձրացում ստանալ, թող իշխանությունը պատասխանի՝ ի՞նչ արժե այդ պագոնը»,- նշեց Կարապետյանցը՝ հավելելով, որ այդ հանցագործությունները կատարողներն ու դրանք կոծկողները վարկաբեկում են ուսադիրները:

Մանրամասները՝ տեսանյութում: