19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Պատերազմն ուսումնասիրող քննիչ հանձնաժողովի ղեկավարը պետք է ընդդիմությունից լինի. Իշխան Սաղաթելյան․ ՏԵՍԱՆՅՈՒԹ
Քաղաքականություն
27.07.2021 | 21:05
Իշխող ուժը որոշել է 44-օրյա պատերազմի հանգամանքներն ուսումնասիրող քննիչ հանձնաժողով ստեղծել:
Արդյո՞ք այդ գաղափարն ընդունելի է, և եթե հանձնաժողովն ստեղծվի, «Հայաստան» դաշինքը կմասնակցի՞ աշխատանքներին. Factor.am-ի հետ զրույցում անդրադառնալով այս հարցին՝ «Հայաստան» դաշինքից ընտրված պատգամավոր Իշխան Սաղաթելյանը նշեց, որ 44-օրյա պատերազմի պատճառները և հետևանքներն ուսումնասիրող հանձնաժողով ստեղծելու անհրաժեշտության մասին հայտարարությամբ իրենք բազմիցս են հանդես եկել նախընտրական շրջանում. «Այդպիսի հանձնաժողովի ստեղծումը նաև մեր պահանջն է»:
«Կարևոր է, թե հանձնաժողովն ինչ ձևաչափով է ստեղծվելու և արդյո՞ք անկախությունը պահպանվելու է: Եթե իշխանությունը հանձնաժողով է ստեղծում, որ ծածկադմփոց անի, անընդունելի է»,- նշեց Սաղաթելյանը՝ հավելելով, որ «Հայաստան» դաշինքն այդ առումով քննարկում ունեցել է, առաջիկայում հանդես կգա հայտարարությամբ:
Սաղաթելյանը կարծիք հայտնեց, որ պատերազմի հանգամանքներն ուսումնասիրող քննիչ հանձնաժողովի ղեկավարը պետք է ընդդիմությունից լինի, այլապես այն չի կարող արդյունավետ գործել:
Մանրամասները՝ տեսանյութում:
