19.05.2026 | 16:26
Ընտանեկան բռնություն գործադրած անձանց ռեաբիլիտացիոն ծրագրի նախագիծը դրական եզրակացություն է ստացել
Հայաստանում կանցկացվեն ագրոօդերևութաբանական դիտարկումներ
Հասարակություն
27.07.2021 | 23:07
Հիդրոօդերևութաբանության և մոնիթորինգի կենտրոնը հայտնում է, որ անցկացվելու են ագրոօդերևութաբանական դիտարկումներ հուլիսի 19-25-ն ընկած ժամանակահատվածի համար:
«Շաբաթվա ընթացքում շարունակվել է գյուղատնտեսական մշակաբույսերի աճն ու զարգացումը, դաշտային աշխատանքները և բերքահավաքը։ Դիտված տեղումները բարձրացրել են հողի արդյունավետ խոնավության պաշարները։
Լեռնային շրջաններում շարունակվել է կաղամբի գլխի ձևավորումը, տեխնիկական հասունացումը, ինչպես նաև սկսվել է պտղատուների հասունացումը, բանջարանոցային մշակաբույսերը և կարտոֆիլը գտնվել են կողային ընձյուղների առաջացման փուլում։
Նախալեռնային շրջաններում աշնանացան ցորենի և պտուղների հասունացումը շարունակվել է, կատարվել է բերքահավաք։
Հովտային շրջանների պտղատու այգիներում, խաղողի և ջերմասեր մշակաբույսերի դաշտերում կատարվել է հերթական վեգետացիոն և սնուցող ոռոգում»:
