27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Պողպատե մանդատը» կօգտագործվի մարզպետարանի աշխատանքի որակի բարձրացման համար․ Շիրակի մարզպետ. ՏԵՍԱՆՅՈՒԹ
Քաղաքականություն
27.07.2021 | 16:45
ԿԸՀ ինքնաբացարկի դիմում ներկայացրած ու պատգամավորական մանդատից հրաժարված Հովհաննես Հարությունյանն առայժմ կշարունակի պաշտոնավարել որպես Շիրակի մարզպետ, մինչև որ հստակ քաղաքական որոշում կլինի։
«Այս պահին շարունակում եմ իմ գործունեությունը Շիրակի մարզպետի պաշտոնում, հետագայում քաղաքական թիմը որոշում կկայացնի՝ շարունակե՞մ այստեղ , թե՝ այլ աշխատանքի անցնեմ, թե՞ ընդհանրապես չաշխատեմ, արդեն դա քաղաքական որոշում կլինի»,- այսօր լրագրողների հետ զրույցում ասաց նա։
Շիրակի մարզպետի պաշտոնում աշխատանքը շարունակելու դեպքում Հովհաննես Հարությունյանն ասում է, որ մեծ ուշադրություն կդարձնի մարզպետարանի աշխատանքի որակը բարձրացնելուն։
«Հիմնականում աշխատանքային որակի բարձրացումն է լինելու «պողպատե մանդատի» օգտագործումը, որովհետև օր առաջ պիտի շենացնել, հզորացնել երկիրը և ավելորդ ժամանակի կորուստ իմ կողմից ընդունելի չի լինելու։ Կլինեն նաև կադրային փոփոխություններ, իհարկե, այն աշխատակիցները, որոնց աշխատանքի մեջ չի լինի ամենակարևոր մոտիվացիան՝ երկիրը հզորացնելը, նրանց հետ ես ճանապարհ չեմ գնալու։ Այն աշխատակիցները, որոնք տեմպին չեն դիմանա, կարծում եմ, կհասկանան՝ անելիք չունեն այն թիմում, որտեղ այդ տեմպին հնարավոր չէ դիմանալ», -ասում է Հովհաննես Հարությունյանը։
Մարզպետը միաժամանակ բացառում է, որ քաղաքական հայացքները կարող են պատճառ դառնալ մարդկանց՝ մարզպետարանում աշխատանքի չընդունելու համար։
Արմիկ Մովսիսյան
