17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Կարելի է քննարկել ԱԺ փոխնախագահի պաշտոնը «Պատիվ ունեմ» դաշինքին տալու հարցը. Ալեն Սիմոնյան․ ՏԵՍԱՆՅՈւԹ
Քաղաքականություն
26.07.2021 | 19:42
«Իմ կարծիքով՝ ճիշտ կլինի, որ ԱԺ ընդդիմադիր փոխխոսնակը լինի «Պատիվ ունեմ» դաշինքից», – այսօր վարչապետի պաշտոնակատար Նիկոլ Փաշինյանի և ՔՊ խմբակցության նորընտիր պատգամավորների հանդիպումից հետո լրագրողների հետ զրույցում ասաց ՔՊ-ից պատգամավոր ընտրված Ալեն Սիմոնյանը:
««Պատիվ ունեմ» դաշինքն ունենալու է ընդամենը մեկ հանձնաժողովի նախագահի տեղակալ և փաստացի ԱԺ խորհրդում ներկայացված է լինելու ընդամենը մեկ ներկայացուցչով՝ ԱԺ-ում իրենց խմբակցության ղեկավարը: Ես կարծում եմ, որ ընդդիմության համար հավասար պայմաններ ստեղծելու համար մենք պետք է քննարկենք այս անգամ ԱԺ փոխխոսնակ ունենալու հնարավորությունը երրորդ խմբակցությանը տալու հարցը»,-ասաց նա:
Հարցին՝ եթե «Պատիվ ունեմ» դաշինքը թեկնածու չառաջադրի, ՔՊ-ն կընտրի՞ «Հայաստան» դաշինքի թեկնածուին, Ալեն Սիմոնյանը պատասխանեց. «Դա կախված է իրավիճակից, կախված է թեկնածուից, կախված է նրանից՝ կառաջադրեն, թե չեն առաջադրի: Եկեք սպասենք, կտեսնենք»:
Մանրամասները՝ տեսանյութում:
