18.01.2026 | 15:00
WP․ Պենտագոնը պատրաստվում է դեսանտայիններին ուղարկել Մինեսոտա
Հավաքագրվում են փաստաթղթեր, առանձին հաշվարկ է արվում. Ավանեսյանը` պատվաստվող օտարերկրացիների թվի մասին. ՏԵՍԱՆՅՈՒԹ
26.07.2021 | 14:50
«Հայաստանում կորոնավիրուսային հիվանդության թվերի աճ կա: Այն կտրուկ չէ, աստիճանական է, բայց, այնուամենայնիվ, հասկանում ենք, որ առաջիկայում, հատկապես աշնան առաջին կեսին, ունենք նոր ալիքի գալու վտանգ»,- լրագրողների հետ ճեպազրույցում ասաց առողջապահության նախարարի պաշտոնակատար Անահիտ Ավանեսյանը:
Ինչ վերաբերում է դելտա շտամին, նա նշեց, որ այս պահին սեկվենավորած օրինակ, նմուշ չունեն, բայց Հայաստանում էլ շրջանառվում է, որովհետև Հայաստանն օդային բաց սահմաններ ունի ՌԴ-ի, Վրաստանի հետ, որտեղ հայտնաբերված է դելտա շտամը, նաև եվրոպական շատ երկրներում էլ այդ շտամը մեծամասնություն է կազմում:
Ավեսյանի խոսքով՝ առողջապահական համակարգը շարունակում է շատ լարված աշխատել և սպասարկել բոլոր հիվանդներին, ամեն ինչ անելու են, որպեսզի բնակչության 40-50 %-ը պատվաստվի։
«Այս պահին թիվ չեմ կարող հրապարակել, հավաքագրվում են փաստաթղթեր, առանձին հաշվարկ է արվում»,- նշեց Ավանեսյանը՝ անդրադառնալով հարցին, թե որքան է պատվաստվող օտարերկրացիների թիվը:
Մանրամասները՝ տեսանյութում:
