19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Տոկիո-2020. Արթուր Դավթյանը եզրափակչի ուղեգիր է նվաճել
24.07.2021 | 17:32
Տոկիոյում ընթացող 32-րդ ամառային Օլիմպիական խաղերում Հայաստանի օլիմպիական թիմից առաջինը պայքարի է դուրս եկել մարմնամարզիկ Արթուր Դավթյանը, որն այսօր մասնակցել է հենացատկ և նժույգթափեր վարժությունների որակավորման փուլին։ Այս մասին տեղեկացնում է ՀՀ ԿԳՄՍ նախարարությունը։
Հենացատկում Դավթյանը փայլուն է հանդես եկել և վաստակելով 𝟭𝟰.𝟴𝟲𝟲 միավորով (առաջին ցատկ՝ 𝟭𝟰.𝟳𝟯𝟯 միավոր, երկրորդ՝ 𝟭𝟱.𝟬𝟬𝟬)՝ երկրորդ տեղով դուրս է եկել եզրափակիչ, որը կայանալու է օգոստոսի 2-ին։ Հատկանշական է, որ որակավորման փուլում առաջին տեղը զբաղեցրած Սին Ջեհուանը (Հարավային Կորեա) ևս վաստակել է 𝟭𝟰.𝟴𝟲𝟲 միավոր։
Նժույգթափերում Եվրոպայի գործող չեմպիոնը կարիերայի լավագույն արդյունքն է գրանցել՝ ստանալով 𝟭𝟰.𝟱𝟲𝟲 միավոր (Եվրոպայի առաջնությունում նա չեմպիոն էր դարձել 𝟭𝟰.𝟮𝟲𝟲 միավորով), ինչը, սակայն, չի բավարարել որակավորման փուլի արգելքը հաղթահարելու համար։
