09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Դեղերի եվրոպական գործակալությունը թույլատրել է Moderna-ի կիրառումը 12-17 տարեկանների շրջանում
Քաղաքականություն
23.07.2021 | 23:31
ԵՄ դեղերի կարգավորիչը՝ Դեղերի եվրոպական գործակալությունը (EMA), հաստատել է Moderna ընկերության՝ կորոնավիրուսի դեմ պատվաստանյութի օգտագործումը 12-17 տարեկան դեռահասներին պատվաստելու համար։ ՌԻԱ Նովոստիի հաղորդմամբ՝ այս մասին ասված է գործակալության հայտարարության մեջ:
«Ստացված տվյալները գնահատելուց հետո EMA- ն կարող է առաջարկել Moderna պատվաստանյութը 12-17 տարեկան դեռահասների համար։ 12 տարեկանից բարձր երեխաների համար պատվաստանյութի օգտագործումը կլինի նույնը, ինչ մյուս տարիքային կատեգորիաների դեպքում. պատվաստանյութը կներարկվի երկու դեղաչափով՝ ուսից, չորս շաբաթ ընդմիջումով», – նշված է փաստաթղթում:
Մինչ վերջերս, ԵՄ-ում Moderna-ն թույլատրվում էր օգտագործել 18 տարեկանից բարձր անձանց դեպքում: Այժմ Եվրամիությունում Pfizer/BioNTech-ի պատվաստանյութն օգտագործվում է 12 տարեկանից բարձր դեռահասներին պատվաստելու համար:
Տաթև Ֆռանգյան
