Քաղաքականություն
23.07.2021 | 14:47
Բելառուսում միանգամից փակվել են մի քանի հասարակական կազմակերպություններ, գրում է DW-ի ռուսական ծառայությունը։
Համաձայն Իրավաբանական անձանց միասնական ռեեստրի տվյալների՝ Բելառուսի տարածքում գործող 12 կազմակերպություն այս պահին գտնվում է լուծարման փուլում։
Մասնավորապես, խոսքը գնում է «Անուններ» բարեգործական ծրագրի, Press-club-ի, Human Constanta մարդու իրավունքների պաշտանության կենտրոնի, Living Library արդյունավետ հաղորդակցության զարգացման կենտրոնի, «Իրավաբանական տեղեկատվության կենտրոնի», «Բնապահպանական որոշումներ» կենտրոնի, «Եվրոպական փորձաքննության ու հաղորդակցությունների գրասենյակի», «Իրավունքի տարածք», TimeAct և European Youth Parliament, ինչպես նաև «Եվրոպական երկխոսություն» հասարակական կազմակերպությունների մասին:
Նշվում է, որ այդ կազմակերպությունները լուծարելու մասին որոշումը կայացվել է հուլիսի 22-ին՝ Մինսկի քաղաքային գործադիր կոմիտեի կողմից:
Տաթև Ֆռանգյան
