16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Իրանական ռազմանավերը Վենեսուելայի փոխարեն ճանապարհվել են Սանկտ Պետերբուրգ
Քաղաքականություն
22.07.2021 | 21:45
Իրանական ռազմանավերը Վենեսուելայի փոխարեն ճանապարհ են ընկել դեպի Սանկտ Պետերբուրգ՝ մասնակցելու այստեղ կայանալիք ծովային ռազմաշքերթին, գրում է EADaily-ն:
Սա Իրանի ռազմածովային ուժերի առաջին ելքն է տարածաշրջանից դուրս: Ավելի վաղ ԱՄՆ-ը կասկածում էր, որ զինամթերքով բեռնված նավերը գնում են Վենեսուելա և կոշտ նախազգուշացում էր հղել Թեհրանին: Մինչդեռ իրանական ավիակիրն ու առաջատար ռազմանավն արդեն մտել են Բալթիկ ծով: ԵՄ երկրների ռազմանավերն իրանական նավերին ուղեկցում են դեպի Ռուսաստան:
«Սահանդ» ավիակիրը և «Մակրան» առաջատար ռազմանավը մտել են Բալթիկ ծով: Համաձայն նույնականացման ավտոմատացված համակարգի՝ «Մարանը» գտնվում է Բալթիկ ծովի արևմտյան մասում: Marinetraffic- ի համաձայն ՝ Մակրանն անցնոում է Դանիայի և Գերմանիայի միջև: Իրանական ռազմանավին ուղեկցում է Դանիայի թագավորական նավատորմը:
Ֆեհմարնի գոտու տարածքում դանիական պարեկային P521 նավը իրանական նավի ուղեկցումը փոխանցել է մեկ այլ պարեկ ՝ P520-ին: Վերջինս նավն ուղեկցում է մեկ կիլոմետր հեռավորության վրա:
Լրատվականը նշում է, որ Իրանի ռազմածովային ուժերի ռազմանավերն իրենց պատմության մեջ առաջին անգամ հեռացել են Մերձավոր Արևելքից և ուղևորվում են դեպի Սանկտ Պետերբուրգ ՝ մասնակցելու ռուսական նավատորմի 325-ամյակին նվիրված ծովային ռազմաշքերթին:
Տաթև Ֆռանգյան
