29.06.2026 | 17:50
Պուտինի հետ հանդիպում պահանջած և ապստամբությամբ սպառնացող զինվորականը կալանավորվել է
Էրդողանը հայտարարել է, որ Թուրքիան հասնելու է Հյուսիսային Կիպրոսի «լայն ճանաչմանն ամբողջ աշխարհում»
Քաղաքականություն
21.07.2021 | 21:09
Անկարան բոլոր հնարավոր ջանքերը կգործադրի՝ Հյուսիսային Կիպրոսի Թուրքական Հանրապետության շուտափույթ ճանաչման համար ամբողջ աշխարհում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը իշխող «Արդարություն ու զարգացում» կուսակցության կազմակերպությունների ժողովում, հաղորդում է «Անադոլու» գործակալությունը։
Էրդողանը նշել է, որ հիմա միջազգային բանակցություններից կիպրացի թուրքերի միակ պահանջը Հյուսիսային Կիպրոսի կարգավիճակի ճանաչումն է՝ որպես ինքնիշխան պետություն։
«Մնացյալ բոլոր առաջարկները կորցրել են իրենց ուժը»,- ասել է Էրդողանը։
Նա նաև նշել է, որ Անկարան 19 տարի է՝ աջակցում է Թուրքիայի զարգացմանն ու ժողովրդավարացմանը և պատրաստ է դրանք նոր մակարդակի հասցնել, իսկ ուժերը, որոնք փորձում են կասեցնել այդ գործընթացները, արդեն գիտակցել են, որ «վերջին շնչում են»։
Ի դեպ՝ նախօրեին էլ Էրդողանը հայտարարել էր, որ Ադրբեջանը ճանաչելու է Հյուսիսային Կիպրոսի անկախությունը, և որ այդ հարցը «միշտ քննարկում է իր եղբայր Իլհամ Ալիևի հետ»։
Էմմա Չոբանյան
