30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ՊՆ ղեկավարը, ԳՇ պետի տեղակալը ազատվեցին պաշտոնից․ Վազգեն Մանուկյանի խափանման միջոցը չփոխվեց․ Լուրեր
Քաղաքականություն
20.07.2021 | 18:07
Նախագահի հրամանագրով Վաղարշակ Հարությունյանն ազատվել է պաշտպանության նախարարի պաշտոնից։ Մեկ այլ հրամանագրով Արշակ Կարապետյանն ազատվել է ՀՀ ԶՈՒ ԳՇ պետի առաջին տեղակալի պաշտոնից։ Երկու ազատումները եղել են վարչապետի պաշտոնակատար Նիկոլ Փաշինյանի միջնորդություններով։ Մինչ այս մամուլում տեղեկություններ են տարածվել, որ Փաշինյանը մտադիր է Արշակ Կարապետյանին առաջադրել պաշտպանության նախարարի պաշտոնում։
—
«Քաղաքացիական պայմանագիր» կուսակցության պատգամավորական թեկնածու Խաչատուր Սուքիասյանի եղբորը՝ Ռոբերտ Սուքիասյանին, մեղադրանք է առաջադրվել զենքի գործադրմամբ խուլիգանության հոդվածով: Factor.am-ի հետ զրույցում Քննչական կոմիտեի մամուլի խոսնակ Վարդան Թադևոսյանը հայտնել է, որ Ռոբերտ Սուքիասյանի նկատմամբ կալանավորումը որպես խափանման միջոց կիրառելու միջնորդություն է ներկայացվել դատարան։
—
Երևան քաղաքի ընդհանուր իրավասության առաջին ատյանի դատարանը որոշում է կայացրել ուժի մեջ թողնել Վազգեն Մանուկյանի նկատմամբ կիրառված խափանման միջոցը՝ ստորագրությունը չհեռանալու մասին։ Մանուկյանին մեղադրանք է առաջադրված իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։
—
