Քաղաքականություն
16.07.2021 | 22:14
Թուրքիան դուրս է գալիս զարգացման նոր փուլ բոլոր ոլորտներում՝ քաղաքականությունից տնտեսություն և ռազմական գործ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Ստամբուլում Ազգային պաշտպանության համալսարանում ելույթ ունենալիս, հաղորդում է «Անադոլու» գործակալությունը։
Նա նշել է, որ Թուրքիայի ներկա ուժեղ քաղաքականության հիմքերից մեկը ձեռքբերումներն են ռազմական ոլորտում։ Ըստ Էրդողանի՝ Թուրքիայի ռազմարդյունաբերության ոլորտի ձեռքբերումները վերջին 15-20 տարում համարել է «հաղթանակի պատմություն», որին ուշադրությամբ հետևում են ամբողջ աշխարհում։
«Լիբիայում Թուրքիայի դիվանագիտական ու ռազմական հաջողությունները բերեցին պլանների վերանայման ոչ միայն Միջերկրական ծովի տարածաշրջանում, այլև միջազգային մակարդակում։ Ժամանակակից ուժեղ Թուրքիան հույսի աղբյուր է բոլոր բարեկամ ժողովուրդների համար, որոնք բախվում են ճնշումների։ Այնտեղ, որտեղ թուրքը ոտք է դրել, չի կարող լինել բռնություն։ Այնտեղ, որտեղ թուրքերն են, անմեղների արյուն չի թափվում»,- հայտարարել է Թուրքիայի նախագահը։
Նա հավելել է, որ Թուրքիան պատրաստ է անհրաժեշտության դեպքում աջակցել բոլոր եղբայրական ժողովուրդներին աշխարհի տարբեր տարածաշրջաններում և այդ ուղղությամբ աշխատանքներ է տանում։
«Մենք ականջալուր կլինենք իմ եղբայրների կոչերին, որոնք բախվել են իմպերիալիստական ուժերի ու թույլ «գրպանային ռեժիմների» բռնությանը, ինչպես նաև ահաբեկչական կազմակերպությունների», ասել է Էրդողանը։
Բացի այդ՝ նա նշել է, թե Անկարան տարածքային պահանջներ չունի որևէ երկրի նկատմամբ և չի խառնվում այլ երկրների ներքին գործերին․ «Նորից բացահայտ հայտարարում եմ՝ Թուրքիան չի հավակնում որևէ երկրի հողերին, ինքնիշխանությանն ու միասնությանը»։
Էմմա Չոբանյան
