08.03.2026 | 10:47
«Կնոջ ներկայությունը յուրաքանչյուր ոլորտում ստեղծում է կայունություն, արդարություն, մարդասիրություն»․ Ծովինար Թադևոսյան
Կանադայում պտտահողմը ավերել է բնակելի թաղամասը․ ԼՈւՍԱՆԿԱՐՆԵՐ
Քաղաքականություն
16.07.2021 | 12:45
Կանադայում ավերիչ պտտահողմը հարվածել է Օնտարիոյի մերձակա բնակելի թաղամասին։ Վնասվել են բնակելի տներ, կան վիրավորներ․ հայտնում է CTV- ն: Բարրի քաղաքում աղետի հետևանքով ութ մարդ վիրավորվել է, որոնցից չորսը՝ ծանր:
Հրշեջները նշել են, որ ջոկատները ստուգում են «յուրաքանչյուր մահճակալի տակ և յուրաքանչյուր դռան ետևում» ՝ համոզվելու համար, որ ոչ ոք չի մնացել փլատակների տակ:
Նախնական տեղեկություններով վնասվել է մոտ 20 տուն, հազարավոր մարդիկ մնացել են առանց էլեկտրականության: Պտտահողմը տևել է մոտ 10-15 րոպե։
«Ցավոք, տեղ-տեղ բնակավայրը նմանվել է պատերազմական գոտու», – ասել է ոստիկանության խոսնակը` հավելելով, որ վնասը աղետալի է եղել:
Կանադայի այս շրջանի համար պտտահողմերը անոմալ երևույթ են, սակայն կլիմայի փոփոխության պատճառով վերջին շրջանում դրանք ավելի ու ավելի հաճախ են գրանցվում:
Տաթև Ֆռանգյան
