09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Ուկրաինայի խորհրդարանը հաստատել է Արսեն Ավակովի հրաժարականը
Քաղաքականություն
15.07.2021 | 12:45
Ուկրաինայի խորհրդարանը կողմ է քվեարկել Արսեն Ավակովի՝ ՆԳ նախարարի պաշտոնից ազատվելուն, որը նա զբաղեցնում էր 2014 թվականի փետրվարից։ Ավակովի հրաժարականի օգտին քվեարկել է 291 պատգամավոր՝ անհրաժեշտ նվազագույն 226-ի պարագայում, գրում է «ՌԻԱ Նովոստին»։
Հիշեցնենք, որ երեքշաբթի Ավակովը հայտարարել էր հրաժարականի մասին։ Ուկրաինայում նախարարների աշխատանքից ազատման որոշումները կայացնում է Գերագույն ռադան։
Ազգությամբ հայ ուկրաինաբնակ քաղաքական գործիչ Ավակովը Ուկրաինայի ներքին գործերի նախարար է նշանակվել 2014 թվականի փետրվարի 27-ին։ Նա վերանշանակվել է նույն պաշտոնում 2019 թվականի օգոստոսի 29-ին։ Ավակովը եղել է այն երկու նախարարներից մեկը, որն իշխանության էր մնացել նաև Վլադիմիր Զելենսկիի իշխանության գալուց հետո։ Ալեքսեյ Գոնչարուկի կառավարության հրաժարականից հետո ևս՝ 2020 թվականի մարտին, Ավակովը մնաց իր պաշտոնին։
Տաթև Ֆռանգյան
