10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Եթե Փաշինյանը հրաժարականից հետո չշարունակեր պաշտոնավարել, ՔՊ-ն չէր հաղթահարի անցողիկ շեմը. Գալստյան․ ՏԵՍԱՆՅՈՒԹ
Հասարակություն
14.07.2021 | 13:16
«Խնդրում եմ անվավեր ճանաչել ընտրությունների արդյունքները»,-Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննության ժամանակ իր եզրափակիչ ելույթում դիմելով ՍԴ-ին, ասաց «Հայոց հայրենիք» կուսակցության ղեկավար Արտակ Գալստյանը:
Նա ներկայացրեց ընտրախախտումների վերաբերյալ տեղեկություններ՝ հավելելով, որ խախտումները եղել են համակարգային:
Գալստյանի դիտարկմամբ՝ շատ կուսակցությունների համար ընտրություններում հավասար դաշտ չի ապահովվել։
Նա կարծիք հայտնեց, որ եթե Փաշինյանը հրաժարականից հետո չշարունակեր պաշտոնավարել, ՔՊ-ն չէր հաղթահարի անցողիկ շեմը:
Գալստյանի խոսքով՝ ինչպես վարչական ռեսուրսի կիրառումը, այնպես էլ ատելության խոսքը նախընտրական ու ընտրական փուլում դրսևորվել է ոչ միայն իշխանության, այլ մի քանի կուսակցությունների կողմից։
«Եթե, օրինակ, «Հայոց հայրենիքը» փորձեր կարծիք հայտնել մուրճի գործադրման մասին, ավտոմատ դառնում էր քոչարյանական։ Եթե փորձեր կարծիք հայտնել մանգաղի օգտագործման հետ կապված, ավտոմատ դառնում էր նիկոլական։ Դա մեզ ավտոմատ դնում էր այնպիսի մի շրջանակների մեջ, որ ուղղակի վախենում էինք արտահայտել մեր կարծիքը։ Ատելության խոսքը լրջագույն ազդեցություն է ունեցել նաև «Հայոց հայրենիք» և մյուս մասնակից կուսակցությունների վրա»,- ասաց Գալստյանը:
Մանրամասները՝ տեսանյութում:
