15.01.2025 | 16:30
Քաղաքական ռեպրեսիաներն աճում են, ինչը Վրաստանին ավելի է հեռացնում ԵՄ-ից. Գերմանիայի դեսպան
Փաշինյանը կոմպրոմատ ունի՞ Արմեն Սարգսյանի դեմ. Արա Զոհրաբյանը՝ ՍԴ-ին
Հասարակություն
14.07.2021 | 12:09
«Նիկոլ Փաշինյանը ապրիլի 25-ից հետո չէր կարող հանդիսանալ վարչապետի պաշտոնակատար: Ժողովրդի ճնշման արդյունքում անձի մեկուսացում պաշտոնից. սա է հրաժարականը»,- Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննությանն ժամանակ եզրափակիչ ելույթում ասաց «Զարթոնք» ազգային քրիստոնեական կուսակցության ներկայացուցիչ Արա Զոհրաբյանը: Նրա խոսքով՝ ընտրական ցուցակներն իրական պատկերը չեն արտահայտում, կան ուռճացված ընտրացուցակներ:
Արա Զոհրաբյանն անդրադարձավ իրենց դիմումով բարձրացված հիմնական խնդիրներին, խախտումներին, իրենց ներկայացրած միջնորդություններին:
Զոհրաբյանը նաև ասաց, որ իրենց համար հարց է նախագահ Արմեն Սարգսյանը, որին ընտրել է նախորդ իշխանությունը՝ նախկի՞ն է, թե՞ նախկին չէ. «Արդյո՞ք Նիկոլ Փաշինյանը նրա նկատմամբ ունի մի կոմպրոմատ, մի այնպիսի լծակ, որի միջոցով նա զրկված է հանրապետության նախագահի լիազորություններն իրականացնելու հնարավորությունից, և կարևոր իրադարձությունների ժամանակ անգործություն է դրսևորում»:
Ամփոփելով ելույթը՝ Զոհրաբյանն ընդգծեց. «Իշխանությունը վարչական ռեսուրսների կիրառմամբ, բռնության սպառնալիքներով, գործելով այն նույն ընտրական գործիքակազմով ու համակարգում, որը ժամանակին քննադատել էր և որը պետք է բարեփոխեր իր իսկ ընդունած իրավական ակտի համաձայն, նույն Կենտրոնական ընտրական հանձնաժողովի կատարմամբ փաստացի զրկել է Հայաստանի քաղաքացիներին ազատ ընտրություն իրականացնելու հնարավորությունից»:
Մանրամասները՝ տեսանյութում:
