31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Ինչու է հրաժարական տվել Արսեն Ավակովը․ նա նոր պաշտո՞ն կզբաղեցնի
Քաղաքականություն
14.07.2021 | 13:13
Ուկրաինայի ՆԳ նախարար Արսեն Ավակովը հրաժարական է տվել անձնական նախաձեռնությամբ։ Այս մասին լրագրողներին հայտնել է «Ժողովրդի ծառա» խմբացության ղեկավար Դավիթ Արախամիան, գրում է ՈՒՆԻԱՆ-ը։
«Միակ հիմնավորումը սեփական նախաձեռնությունն է։ Դա բացառապես նրա ցանկությունն է եղել»,- հայտարարել է Արախամիան։
Նրա խոսքով՝ Ավակովը չի դիտարկվում որպես երկրի վարչապետի թեկնածու, սակայն նա կարող է պաշտոն ստանալ պետական հատվածում։
«Հնարավոր է՝ նա թիմում լինի մեկ այլ դերում»,- հավելել է Արախամիան։
Խմբակցության ղեկավարը նաև համոզված է, որ «Ավակովի հետ բաժանման խաղաղ սցենար կլինի»։
Հիշեցնենք, որ նախօրեին տեղեկություններ ստացվեցին, որ Ուկրաինայի ՆԳՆ ղեկավար Արսեն Ավակովը հրաժարական է տվել։ Նրա դիմումը խորհրդարանում կքննարկվի հինգշաբթի։
Հավելենք, որ ազգությամբ հայ ուկրաինական քաղաքական և հասարակական գործիչ Արսեն Ավակովը Ուկրաինայի ՆԳ նախարար է նշանակվել 2014 թվականի փետրվարի 27-ին, հետո այդ պաշտոնում վերանշանակվել է 2019-ի օգոստոսի 29-ին:
Տաթև Ֆռանգյան
