Քաղաքականություն
05.03.2018 | 12:17«Այն ժամանակ, երբ ես կհայտարարեմ Սերժ Սարգսյանին իշխանությունից հեռացնելու գործընթաց, ապա այդ գործընթացը պետք է իրականացվի մեկ շաբաթում»,- այս մասին խորհրդարանական ճեպազրույցների ժամին, պատասխանելով Factor.am-ի հարցին՝ ասաց ԱԺ «Ելք» խմբակցության ղեկավար Նիկոլ Փաշինյանը:
«Ապրիլի 9-ից 16-ը Սերժ Սարգսյանը իշխանությունից հեռացված է լինելու, այսինքն ՝ Հայաստանի Հանրապետության պետական կառավարման համակարգում ոչ մի պաշտոն չի ունենալու»,- շարունակեց Փաշինյանը՝ նկատելով, որ իրենց քաղաքական ուժի կողմից որևէ գործողություն այդ ընթացքում և դրանից առաջ հիմնված է լինելու ժողովրդի կամարտահայտության վրա: Մեր հստակեցնող հարցին՝ «Ելք» դաշինքի կողմից Սերժ Սարգսյանի հնարավոր վարչապետության դեմ պայքար սկսելու առումով որևէ ձևաչափ որոշվա՞ծ է, Փաշինյանն ասաց՝ այս շաբաթվա ընթացքում բոլոր հարցերի պատասխանները կտրվեն:
Մանրամասները՝ տեսանյութում:
