26.04.2026 | 13:38
ՃՏՊ Գեղամասար բնակավայրում․ կա տուժած
Թալիբներն ու կառավարական ուժերն ընդհարվել են Քոնդուզում
Քաղաքականություն
12.07.2021 | 23:19
«Թալիբան»-ը շարունակում է իր առաջխաղացումը Աֆղանստանի տարածքում: Այս օրերին, ըստ որոշ աղբյուրների, մարտեր են ընթանում Քոնդուզում, հաղորդում է Ամերիկայի Ձայնը։
Ավելի քան 12,000 աֆղանական ընտանիքներ լքել են իրենց տները Քունդուզ նահանգում, ուր թալիբներն ու կառավարական ուժերը ընդհարվում են նահանգային մայրաքաղաքի հարավային ծայրամասերը վերահսկելու համար, հայտնել է երկուշաբթի օրը նահանգապետի պաշտոնակատարը, գրում է Ռոյթերսը:
Տեսանյութում երևում են կառավարական ուժեր՝ տեղակայված քաղաքի ծայրամասում, իսկ հեռվում լսվում են կրակահերթեր:
«Թալիբան» շարժման գրոհայիններն արդեն գրավել են Քունդուզ նահանգի շրջանների մեծ մասը, բայց տեղական հաղորդագրությունների համաձայն, որոնք հնարավոր չէ վերջնական կերպով ստուգել, բախվել են աֆղանական կառավարակա ուժերի և զինված աշխարհազորայինների հետ մայրաքաղաքում և հարակից տարածքներում:
Թալիբանի վերջին տարածքային նվաճումները տեղի են ունենում այն ժամանակ, երբ օտարերկրյա զորքերը ԱՄՆ-ի գլխավորությամբ 20 տարվա պատերազմից հետո դուրս են գալիս Աֆղանստանից: Դա հանգեցրել է անվտանգության ճգնաժամի ու բախումների երկրի ներսում թալիբների ու կառավարական ուժերի միջև, գրում է Ռոյթերսը:
Միևնույն ժամանակ, Քունդուզ քաղաքում վրաններում ապրող տեղահանված ընտանիքներն ազդարարում են սննդի և այլ օգնության պարագաների խիստ կարիքի մասին:
Բացի այդ, հայտնի է դարձել, որ Աֆղանստանում ԱՄՆ զորքերի հրամանատար, գեներալ Օսթին Միլլերը երկուշաբթի օրը հեռացել է իր պաշտոնից՝ այսպիսով խորհրդանշելով ԱՄՆ պատմության մեջ ամենաերկար զինված հակամարտության ավարտը: ԱՄՆ-ի ռազմական առաքելության պաշտոնական ավարտը նախատեսված է օգոստոսի 31-ին:
