Քաղաքականություն
12.07.2021 | 22:51
Քովիդով 19-ով հիվանդացության դեպքերն աշխարհում աճում են չորրորդ շաբաթն անընդմեջ։ Այս մասին հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը, գրում է «ՌԻԱ Նովոստի»-ն:
«10-շաբաթյա անկումից հետո աճել է նաև մահացության ցուցանիշը»,- հավելել է Գեբրեյեսուսը։
ԱՀԿ ղեկավարն ընդգծել է, որ այժմ աշխարհը կորոնավիրուսի վարակի վատթարացում է ապրում, ինչը, ըստ նրա, մեծ սպառնալիք է մարդկային կյանքերի ու համաշխարհային տնտեսության համար։ Նա նաև խոստովանել է, որ բուժաշխատողները մտահոգված են այն տարածաշրջաններով, որոնցում պատվաստանյութի պակաս կա։
ԱՀԿ աշխատակիցներից մեկն էլ ճեպազրույցի ժամանակ հայտարարել է, որ առավել հաճախ են հանդիպում կրկնավարակի դեպքերը «դելտա» շտամով, սակայն հիվանդությունն անցնում է թեթև և առանց լուրջ ախտանշանների։ Աղբյուրի փոխանցմամբ՝ պատվաստանյութերը 100 տոկոսով պաշտպանում են վարակներից և զգալի կերպով նվազեցնում Քովիդ 19-ով ծանր հիվանդացության դեպքերը։
