07.10.2026 | 15:01
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Շնորհակալություն այս պաշտոնում ինձ նշանակելու համար. Արգիշտի Քյարամյանը` Փաշինյանին․ ՏԵՍԱՆՅՈւԹ
Քաղաքականություն
12.07.2021 | 21:10
Արգիշտի Քյարամյանը նշանակվել է ՀՀ քննչական կոմիտեի նախագահ: Այս որոշումն ընդունվել է կառավարության հուլիսի 12-ի արտահերթ նիստում:
Կառավարության մեկ այլ որոշմամբ` Հայկ Գրիգորյանը ազատվել է ՀՀ քննչական կոմիտեի նախագահի պաշտոնից:
Վարչապետի պաշտոնակատար Նիկոլ Փաշինյանը, բարձր գնահատելով Հայկ Գևորգյանի աշխատանքը, շնորհակալություն է հայտնել նրան՝ մատուցած ծառայությունների համար:
Վարչապետի պաշտոնակատարը շնորհավորել է Արգիշտի Քյարամյանին. գործադիրում ոչ ոք դեմ չի քվեարկել նոր պաշտոնում նրա նշանակման հարցի քննարկման ժամանակ:
Արգիշտի Քյարամյանը շնորհակալություն է հայտնել վստահության և պատասխանատու պաշտոնում ընտրելու համար: «Ամեն ինչ արվելու է, որ Քննչական կոմիտեի առջև ծառացած խնդիրները լուծվեն արագ և արդյունավետ»,- վստահեցրել է Քյարամյանը:
Նշենք, որ Հայկ Գրիգորյանը քննչական կոմիտեի նախագահ էր նշանակվել 2018 թվականի հունիսի 10-ին:
Արգիշտի Քյարամյանը 2020թ. դեկտեմբերի 24-ից զբաղեցնում էր ՀՀ քննչական կոմիտեի նախագահի տեղակալի պաշտոնը:
Մանրամասները՝ տեսանյութում:
