15.04.2026 | 18:40
Իրանի ԶՈՒ-ը սպառնում է փակել Կարմիր ծովը, եթե ԱՄՆ-ի կողմից շրջափակումը շարունակվի
Կլինեն նոր սահմանափակումներ` կարանտինի երկարաձգման դեպքում. Ավանեսյան. ՏԵՍԱՆՅՈՒԹ
09.07.2021 | 13:32
Հնարավոր է, որ կարանտինը վեց ամսով կրկին երկարաձգվի: Այս մասին այսօր հրավիրված ասուլիսում հայտնեց առողջապահության նախարարի պաշտոնակատար Անահիտ Ավանեսյանը։
«Որպեսզի չունենանք իրավիճակի վատթարացում՝ կրթական գործընթացի սկսվելուն պես, չունենանք համընդհանուր լոքդաուն և հեռակա ուսուցման պահանջ չառաջանա, պետք է ձեռնարկեն կանխարգելիչ միջոցառումներ՝ պատվաստումներ:
Եթե պրոֆեսորադասախոսական կազմը պատվաստված չլինի, դասերը կարող են լինել առցանց։ Իսկ սպասարկման ոլորտի աշխատողները, եթե չեն ցանկանում պատվաստվել, ուրեմն պարբերաբար ՊՇՌ թեսթ պիտի հանձնեն։ Սա ազգային անվտանգության հարց է:
Օրենքով սահմանված բոլոր միջոցառումները կիրառելի են և պատրաստվում ենք օգտվել բոլոր հնարավոր միջոցառումներից։ Բայց կրկնեմ ՝ մեր կողմից ընդունվել է կամավորության սկզբունքը. քաղաքացիներին կրթելու, տեղեկացնելու, նրանց համոզելու և ճիշտ տեղեկատվություն փոխանցելու ճանապարհով ենք գնում»,- նշեց Ավանեսյանը:
Մանրամասները՝ տեսանյութում:
