20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Զանգեզուր ՊՄԿ-ում խուզարկությունից հետո 1 անձ ձերբակալվել է, 1-ը՝ բերման ենթարկվել․ Վահե Հակոբյան
Հասարակություն
08.07.2021 | 15:07
ԱԱԾ աշխատակիցները խուզարկություն են իրականացրել Զանգեզուրի պղնձամոլիբդենային կոմբինատում․ այս մասին Factor.am-ի հետ զրույցում հայտնեց «Հայաստան» դաշինքի անդամ Վահե Հակոբյանը։ Ըստ նրա՝ կոմբինատում խուզարկություն իրականացնելուց հետո ձերբակալվել է բաժնի պետերից մեկը՝ Արմեն Անդրեասյանը և բերման է ենթարկվել Կոմբինատի իրավաբան Արա Վոնյանը։
Հարցին, թե ունեն տեղեկություն՝ ինչ հիմքով են ԱԱԾ աշխատակիցները խուզարկություն իրականացնում կոմբինատում, Հակոբյանը նշեց․ «Եթե ես ճիշտ եմ հիշում՝ դատարանի որոշմամբ է, ինչ-որ անհիմն քրեական գործ կա հարուցված, ինչ-որ մեկի ցուցմունքի հիման վրա»։
Քաջարանի քաղաքապետ՝ Մանվել Փարամազյանի տան և ավտոմեքենայի խուզարկությունից հետո, ըստ Վահե Հակոբյանի, ԱԱԾ աշխատակիցները ոչինչ չեն հայտնաբերել, բայց նրան տեղափոխում են Երևան։
Հիշեցնեք, որ Վահե Հակոբյանը «Զանգեզուր պղնձամոլիբդենային կոմբինատ» բարեգործական հիմնադրամի հոգաբարձուների խորհրդի նախագահն է, ինչպես նաև «Զանգեզուրի պղնձամոլիբդենային կոմբինատ» ՓԲԸ խորհրդի անդամ։
